क्रिप्टोकरन्सीवर सखोल चर्चा करणे आवश्यक
नवी दिल्ली, दि.17 (एमएमसी न्यूज नेटवर्क): क्रिप्टोकरन्सी (cryptocurrency) संदर्भातील चिंतेचे वातावरण असतानाच भारतीय रिझर्व्ह बँकेचे (RBI) गव्हर्नर शक्तीकांत दास यांचे विधान आले आहे. एसबीआय कॉन्क्लेव्हमध्ये दास यांनी सांगितले की, जेव्हा रिझर्व्ह बँक असे म्हणते की क्रिप्टोकरन्सीमुळे (cryptocurrency) मॅक्रो इकॉनॉमिक आणि आर्थिक स्थैर्याची चिंता आहे, तेव्हा या विषयावर सखोल चर्चा करणे आवश्यक आहे.
दहशतवाद्यांना वित्तपुरवठा आणि इतर समस्यांच्या पार्श्वभूमीवर केंद्र सरकार 29 नोव्हेंबरपासून सुरू होणाऱ्या संसदेच्या हिवाळी अधिवेशनात क्रिप्टोकरन्सीशी (cryptocurrency) संबंधित विधेयक मांडण्याची शक्यता आहे. सध्या, देशात क्रिप्टोकरन्सीच्या वापरावर कोणतेही विशिष्ट नियम किंवा निर्बंध नाहीत. शनिवारी, पंतप्रधानांनी क्रिप्टोबाबत वित्त मंत्रालय, रिझर्व्ह बँक (RBI) आणि गृह मंत्रालयाची बैठक देखील घेतली.
रिझर्व्ह बँकेचे (RBI) गव्हर्नर म्हणाले की, कोरोना साथीमुळे लागू करण्यात आलेली टाळेबंदी हटल्यानंतर भारतातील जवळपास सर्वच आर्थिक निर्देशांक सुधारणेच्या दिशेने निर्देश करत आहेत. भारताकडे साथीच्या रोगानंतर वेगाने वाढ होण्याची क्षमता असल्याचेही ते म्हणाले.
बँकिंग क्षेत्राविषयी बोलताना रिझर्व्ह बँकेचे (RBI) गव्हर्नर म्हणाले की, गुंतवणुकीचे चक्र वेगवान झाल्यावर बँकांनी गुंतवणूकीसाठी तयार असले पाहिजे. दास यांनी बँकांना भांडवल व्यवस्थापन प्रक्रियेत सुधारणा करण्याचे आवाहन केले. ते म्हणाले की रिझर्व्ह बँक काही बँकांच्या मॉडेलवर बारकाईने लक्ष ठेवून आहे. बँकांच्या सकल अनुत्पादित मालमत्तांची माहिती देताना दास म्हणाले की, सप्टेंबर 2021 मध्ये सकल अनुत्पादित मालमत्तांमध्ये जूनच्या पातळीपेक्षा सुधारणा झाली आहे.
तरलतेबद्दल, दास यांनी सांगितले की, ज्याप्रमाणे जास्त पाणी शरीरासाठी चांगले नाही, रिझर्व्ह हळूहळू तरलतेचे संतुलन करत आहे. तरलता पुरेशी आहे जास्त नाही याची खात्री करण्यासाठी प्रयत्न केले जात आहेत. दास यांनी सांगितले की, भारत स्टार्टअप्सच्या क्षेत्रात अव्वल कामगिरी करणारा देश म्हणून उदयास आला आहे. जागतिक सुधारणेसह निर्यातीतही सुधारणा होण्याची आशा त्यांनी व्यक्त केली आहे.
The statement from Reserve Bank of India (RBI) Governor Shaktikant Das came amid concerns over cryptocurrency. In the SBI Conclave, Das said that while the RBI says that cryptocurrency is a concern for macroeconomic and economic stability, the issue needs to be discussed in depth.
PL/KA/PL/17 NOV 2021
