चीन आणि ताजिकिस्तानमध्ये भूकंपाचे धक्के
बिजींग,दि.२३ (एमएमसी न्यूज नेटवर्क) : तुर्कस्तान आणि सिरियामध्ये भूकंपाने माजवलेल्या उत्पातानंतर आता चीन आणि ताजिकिस्तानमध्ये भूकंपाचा धक्का बसला आहे. चीनबरोबरच ताजिकिस्तानमध्येही गुरुवारी पहाटे ५.३० च्या सुमारास भूकंपाचा धक्का जाणवला. अमेरिकेच्या जिऑलिजकल डिपार्टमेंटने दिलेल्या माहितीनुसार या भूकंपाची तीव्रता ६.८ रिश्टर स्केल इतकी मोजण्यात आली.
चीनच्या मीडियाने दिलेल्या माहितीनुसार, गुरुवारी सकाळी ८.३० च्या सुमारास चीन-ताजिकिस्तानच्या सीमेजवळ असणाऱ्या झिजियांग प्रांतात भूकंपाचा धक्का बसला. या भूकंपाची तीव्रता ७.३ रिश्टर स्केल इतकी मोजण्यात आली.
या भूकंपाचे केंद्र चीन सीमेपासून ८२ किमी दूर होते. याबरोबरच उइगर प्रांतातही भूकंपाचे सौम्य धक्के जाणवले.
SL/KA/SL
23 Feb. 2023
