या इलेक्ट्रिक स्कूटरवर तब्बल २१ टक्क्यांची सूट
मुंबई, दि. २३ (एमएमसी न्यूज नेटवर्क) : सध्या बाजारात इलेक्ट्रीक स्कूटर खरेदी करण्याचा ट्रेंड आला आहे.इलेक्ट्रिक स्कूटर उत्पादक कंपनी Bounce Infinity ने त्यांच्या E1+ स्कूटरवर २१ टक्क्यांची प्रचंड सूट जाहीर केली आहे. कंपनीने या इलेक्ट्रिक स्कूटरची किंमत २४ हजार रुपयांनी कमी केली आहे. आता ही इलेक्ट्रिक स्कूटर फक्त ८९ हजार ९९९ रुपये (एक्स-शोरूम) मध्ये उपलब्ध असेल. मात्र, ही ऑफर काही काळासाठी आहे. जर तुम्हाला या ऑफरचा फायदा घ्यायचा असेल तर तुम्हाला लवकरच स्कूटर खरेदी करावी लागेल. त्यामुळे जर तुम्ही इलेक्ट्रिक स्कूटर खरेदी करण्याचा विचार करत असाल तर ही चांगली संधी आहे.
इलेक्ट्रिक स्कूटर उत्पादक कंपनी Bounce Infinity ने त्यांच्या E1+ स्कूटरवर २१ टक्क्यांची प्रचंड सूट जाहीर केली आहे. आता ही इलेक्ट्रिक स्कूटर फक्त ८९ हजार ९९९ रुपये (एक्स-शोरूम) मध्ये उपलब्ध असेल, जी आधीच्या किमतीपेक्षा २४,००० रुपये कमी आहे. या इलेक्ट्रिकची किंमत १.१३ लाख रुपये होती. तसेच, ही ऑफर केवळ ३१ मार्च २०२४ पर्यंत वैध आहे.
E1+ इलेक्ट्रिक स्कूटरमध्ये १.९ kWh लिथियम-आयन बॅटरी आहे. या स्कूटरमध्ये पॉवर मोड, रिव्हर्स मोड, क्रूझ कंट्रोल आणि ड्रॅग मोड सारखे फीचर्स देण्यात आले आहेत. या स्कूटरचा टॉप स्पीड ताशी ६५ किमी आहे. या मॉडेलची रेंज ७० किमीपेक्षा जास्त असल्याचा कंपनीचा दावा आहे. ही इलेक्ट्रिक स्कूटर पाच कलर व्हेरिएंटमध्ये उपलब्ध आहे.
SL/KA/SL
23 Feb. 2024
