या SUV ने एक प्रचंड मोठी ट्रेन ओढून केला गिनीज वर्ल्ड रेकॉर्ड
मुंबई, दि. १५ : भारतीय बाजारपेठेत लवकरच दाखल होणाऱ्या MG majestor SUV ने आपली ताकद दाखवत जम्मू आणि काश्मीरमधील काकापोरा आणि अवंतीपोरा दरम्यानच्या एका कार्यरत रेल्वे मार्गावर विक्रमी कामगिरी केली आहे. या SUV ने ४०६.४ टन वजनाची ट्रेन ३०० फुटांपेक्षा जास्त अंतरासाठी ओढली. या प्रचंड मोठ्या ट्रेनमध्ये एक शक्तिशाली WAG-9HC लोकोमोटिव्ह इंजिन तसेच अनेक प्रवासी आणि गार्ड डब्यांचा समावेश होता. या विक्रमाबद्दलची सर्वात प्रभावी गोष्ट म्हणजे गाडीमध्ये कोणतेही बदल किंवा फेरफार करण्यात आले नव्हते. हे तेच स्टँडर्ड मॉडेल होते जे शोरूममध्ये सामान्य ग्राहकांसाठी उपलब्ध असेल.
गाडी विशेषतः एक उत्कृष्ट ऑफ-रोडिंग अनुभव देण्यासाठी डिझाइन केली आहे. यात ट्रिपल डिफरेंशियल लॉक आणि १० वेगवेगळ्या मोड्ससह ४डब्ल्यूडी (फोर-व्हील ड्राइव्ह) सिस्टीम आहे, जी कोणत्याही पृष्ठभागावर उत्कृष्ट पकड सुनिश्चित करते. यात खडबडीत भूभागासाठी क्रॉल कंट्रोलची सुविधा आहे, तर २१९ मिमीचा उच्च ग्राउंड क्लिअरन्स हे सुनिश्चित करतो की गाडी खडकाळ रस्त्यांवर घसरणार नाही. इतकेच नाही तर ही एसयूव्ही ८१० मिमी खोल पाण्यावरून सहजपणे जाऊ शकते. सुरक्षेसाठी ती अत्याधुनिक लेव्हल २ एडीएएस (ॲडव्हान्स्ड ड्रायव्हिंग असिस्टन्स सिस्टीम) ने सुसज्ज आहे.
SL/ML/SL
