पंतप्रधानांनी घेतली ऑलिम्पिक विजेत्या खेळाडूंची भेट
नवी दिल्ली, दि. १५ (एमएमसी न्यूज नेटवर्क) :
पंतप्रधान नरेंद्र मोदी यांनी आज पॅरिस ऑलिम्पिकमध्ये सहभागी झालेल्या भारतीय खेळाडूंशी पंतप्रधान नरेंद्र मोदी यांनी संवाद साधला. पॅरिस ऑलिम्पिकमधून परतलेल्या भारतीय खेळाडूंना पंतप्रधान नरेंद्र मोदी यांनी स्वातंत्र्यदिनी आपल्या निवासस्थानी आमंत्रित केले आणि त्यांनी त्यांच्या यशाचे कौतुक केले.
पॅरिस ऑलिम्पिकमध्ये ब्राँझपदक जिंकलेल्या भारतीय पुरुष हॉकी संघाने पंतप्रधान नरेंद्र मोदी यांना स्वाक्षरी केलेली हॉकी स्टिक भेट दिली. हॉकी संघाने स्वाक्षरी केलेली जर्सीही पंतप्रधानांना देण्यात आली. हॉकी स्टार्सनी पंतप्रधानांसोबत फोटोही काढले.
पॅरिस ऑलिम्पिकमध्ये दोन ब्राँझपदके जिंकून इतिहास रचणाऱ्या मनू भाकरने पंतप्रधानांशी संक्षिप्त संवाद साधला. तसेच पंतप्रधानांना आपले पिस्तूल दाखवले. मनू पंतप्रधानांना पिस्तूल कसे काम करते याचे विश्लेषण करताना दिसली.
नेमबाजी पदक विजेते सरबजोत सिंह आणि स्वप्नील कुसाळ यांच्याशीही पंतप्रधानांनी संवाद साधला. या दोन्ही नेमबाजांनी आपल्या पदकांसह पंतप्रधान मोदींसोबत फोटो काढला. सर्वज्योतने मनू भाकरसह १० मीटर एअर पिस्तूल मिश्र सांघिक प्रकारात ब्राँझपदक पटकावले. स्वप्नीलने ५० मीटर रायफल थ्री पोझिशनमध्ये ब्राँझपदक पटकावले.
पॅरिस ऑलिम्पिकमध्ये भारताला ब्राँझपदक मिळवून देणारा अमन शेरावत पंतप्रधान नरेंद्र मोदी यांना आपली स्वाक्षरी असलेली जर्सी देताना दिसला. भालाफेकरौप्यपदक विजेता नीरज चोप्रा अद्याप मायदेशी परतला नाही. आपल्या दुखापतीबाबत तज्ज्ञांचा सल्ला घेण्यासाठी तो पॅरिसहून जर्मनीला गेला होता. नीरज आज पंतप्रधानांना भेटू शकला नाही.
SL/ML/SL
15 August 2024
