रामदास आठवले यांची कडक भूमिका :
सुनील साळवे यांच्या कुटुंबीयांवरील हल्ल्याचा तीव्र निषेध
मुंबई, दि ३०
रिपब्लिकन पार्टी ऑफ इंडिया (आठवले) चे राष्ट्रीय अध्यक्ष तथा केंद्रीय सामाजिक न्याय राज्यमंत्री ना. रामदास आठवले साहेबांनी पुणे येथील ससून रुग्णालयात सुनील साळवे यांच्या कुटुंबीयांची भेट घेऊन जखमींची प्रकृतीची विचारपूस केली. डॉक्टरांनी गंभीर जखमी असलेल्या अभिजीत साळवे, यशदीप साळवे व रत्नमाला साळवे यांची प्रकृती आता स्थिर असल्याचे सांगितले. इतर जखमी आदर्श साळवे, रेश्मा साळवे, दिग्विजय सोनवणे व सद्दाम पठाण यांची देखील आठवले यांनी भेट घेऊन चौकशी केली.
घटना :
रविवारी रात्री नान्नज (ता. जामखेड) येथे दहा-बारा गुंडांनी तलवार, कोयते व काठ्यांनी साळवे कुटुंबीयांवर जीवघेणा हल्ला करून महिलांनाही गंभीर जखमी केले. अभिजीत साळवे यांच्यावर पंधरा-सतरा वार करून त्यांचा जीव घेण्याचा प्रयत्न झाला.
आठवले यांची मागणी :
हल्लेखोर गुंडांवर मकोका अंतर्गत कठोर कारवाई करावी
सर्व आरोपींना तात्काळ अटक करून 120 (B) कट रचल्याचा गुन्हा दाखल करावा
सुनील साळवे व त्यांच्या कुटुंबीयांना पोलीस संरक्षण द्यावे
सर्व आरोपींचा मोबाईल सीडीआर तपासून सूत्रधार कोण आहे याचा तपास करावा आणि त्यास तात्काळ अटक करावी
आठवले यांचा इशारा :
“दलितांवरील असे भ्याड हल्ले अजिबात सहन केले जाणार नाहीत. हा संतापजनक प्रकार असून मी स्वतः मुख्यमंत्री व गृहमंत्री देवेंद्र फडणवीस यांची भेट घेऊन या गुंडांवर मकोकांतर्गत कठोर कारवाई करण्याची मागणी करणार आहे,” असे ना. आठवले यांनी स्पष्ट केले.
या प्रसंगी परशुराम वाडेकर, संजय सोनवणे, आशिष गांगुर्डे, काकासाहेब खंबाळकर, श्रीकांत भालेराव, विजय वाकचौरे,महेंद्र कांबळे शैलेंद्र,चव्हाण,महिपाल वाघमारे, शशिकला वाघमारे आदींसह मोठ्या संख्येने कार्यकर्ते उपस्थित होते.KK/ML/MS
