द.कोरियात विमान अपघातात १७९ जणांचा मृत्यू

मुआन, दि. २९ (एमएमसी न्यूज नेटवर्क) : कझाकीस्तानमध्ये विमान कोसळून ४२ प्रवाशांचा मृत्यू झाल्याची घटना ताजी असताना आज दक्षिण कोरियातील मुआन विमानतळावर जेजू एअरचे विमान कोसळले. न्यूज एजन्सी एपीनुसार, विमानात 175 प्रवासी आणि 6 क्रू मेंबर्ससह 181 लोक होते. या अपघातात 179 जणांचा मृत्यू झाला आहे. बचाव पथकाने 2 जणांना जिवंत वाचवले. विमानातून सर्व मृतदेह बाहेर काढण्यात आले आहेत. मृतांमध्ये 84 पुरुष आणि 85 महिलांचा समावेश आहे. आतापर्यंत 11 मृतदेहांची ओळख पटलेली नाही.

रविवारी भारतीय वेळेनुसार पहाटे 5:37 वाजता (स्थानिक वेळेनुसार सकाळी 9:07) हा अपघात झाला. बँकॉकहून येणारे विमान विमानतळावर उतरणार होते, मात्र लँडिंग गिअरमध्ये बिघाड झाल्याने विमानाची चाके उघडली नाहीत. विमानाचे बेली लँडिंग आपत्कालीन परिस्थितीत करण्यात आले. यामध्ये विमानाची बॉडी थेट धावपट्टीवर आदळते. यादरम्यान विमान धावपट्टीवरून घसरले आणि विमानतळाच्या सीमा भिंतीला धडकले. त्यात स्फोट होऊन आग लागली.

रॉयटर्सच्या वृत्तानुसार अपघातापूर्वी, मुआन विमानतळाच्या एअर ट्रॅफिक कंट्रोलर (एटीसी) कडून विमानाशी पक्ष्याची टक्कर झाल्याबद्दल अलर्ट पाठविला गेला होता. विमानाच्या लँडिंग गियरमध्ये बिघाड होण्याचे हे देखील एक कारण असू शकते.

SL/ML/SL

29 Dec. 2024