RBI ने चार महिन्यांत खरेदी केले २४ टन सोने

मुंबई, दि. २३ (एमएमसी न्यूज नेटवर्क) : रिझर्व्ह बँक ऑफ इंडियाने या वर्षी जानेवारी ते एप्रिल या चार महिन्यांत 24 टन सोने खरेदी केले आहे. गेल्या वर्षीच्या याच कालावधीच्या तुलनेत यंदाच्या पहिल्या चार महिन्यांत सुमारे दीडपट सोन्याची खरेदी झाली आहे. भू-राजकीय तणावादरम्यान अस्थिरता टाळण्यासाठी RBI ने आपल्या साठ्यामध्ये भर घालत आहे. बँकेच्या ताज्या आकडेवारीनुसार, 26 एप्रिल 2024 पर्यंत RBI च्या परकीय चलनाच्या साठ्यात 827.69 टन सोने आहे.

भारत हा सोन्याचा जगातील सर्वात मोठा ग्राहक आहे. परंतु RBI सोन्याचा साठा जमा करण्यास फारसे प्राधान्य देत नाही. वर्ष 1991 मध्ये जेव्हा देशाला परकीय चलनाच्या संकटाचा सामना करावा लागला तेव्हा RBIने सोन्याच्या साठ्यातील काही भाग गहाण ठेवला होता. सरकारच्या या निर्णयावर जोरदार टीका करण्यात आली. जरी सर्व सोने मध्यवर्ती बँकेच्या तिजोरीत परत आले असले तरी, डिसेंबर 2017 पासूनच बाजारातील खरेदीद्वारे आरबीआयच्या साठ्यामध्ये भर पडू लागली. आरबीआयने 2022 मध्ये बाजारातून भरपूर सोने खरेदी केले होते. गेल्या वर्षी 2023 मध्ये आरबीआयने कमी सोने खरेदी केले होते. परंतु यावर्षी पुन्हा आक्रमकपणे सोने खरेदी करत आहे.

अर्थव्यवस्थेच्या स्थितीचे मूल्यांकन करताना RBIच्या अर्थतज्ज्ञांनी म्हटले आहे की वाढत्या जागतिक अनिश्चिततेमुळे उदयोन्मुख बाजारपेठांच्या मध्यवर्ती बँका मोठ्या प्रमाणावर सोने खरेदी करत आहेत. वर्ष 2024 च्या पहिल्या तिमाहीत त्यांनी 290 टन सोने खरेदी केले. एकूण जागतिक सोन्याच्या मागणीपैकी हे प्रमाण एक चतुर्थांश आहे.

SL/ML/SL

23 May 2024