संयुक्त महाराष्ट्राच्या चळवळीतील हुतात्म्यांना अभिवादन
बेळगांव, दि. १८ (एमएमसी न्यूज नेटवर्क) : १७ जानेवारी १९५६ च्या संयुक्त महाराष्ट्र चळवळीतील हुतात्म्यांना हुतात्मा दिनी बेळगावातील हुतात्मा चौकात महाराष्ट्र एकीकरण समिती, मराठी भाषक सीमा बांधवांकडून आज अभिवादन करण्यात आलं .
हुतात्म्यांना अभिवादन करण्यासाठी बेळगावसह कंग्राळी, खानापूर, निपाणीतही फेरी काढण्यात आली होती. सीमाप्रश्नी नव्या ऊर्मीने लढा देत राहू आणि हुतात्म्यांचं संयुक्त महाराष्ट्राचं स्वप्न साकार करू, असा निर्धार यावेळी सीमा बांधवांनी व्यक्त केला. संयुक्त महाराष्ट्राच्या आंदोलनामध्ये 1956 साली महादेव बारगडी, मारुती बेन्नाळकर, मधु बांदेकर, कमळाबाई मोहिते आदींना हौतात्म्य प्राप्त झालं होतं.
ML/KA/SL
18 Jan. 2023
