सलग सहाव्या महिन्यात विदेशी गुंतवणूकदारांची माघार

नवी दिल्ली, दि.14 (एमएमसी न्यूज नेटवर्क): विदेशी पोर्टफोलिओ गुंतवणूकदारांची भारतीय बाजारातून माघार घेण्याची (FPI Selling ) प्रक्रिया सलग सहाव्या महिन्यातही सुरू आहे. मार्चमध्ये आतापर्यंत विदेशी गुंतवणूकदारांनी भारतीय बाजारातून 45,608 कोटी रुपये काढले आहेत. जिओजित फायनान्शिअल सर्व्हिसेसचे मुख्य गुंतवणूक धोरणशास्त्रज्ञ व्ही.के.विजयकुमार यांनी सांगितले की, वस्तूंच्या किंमती वाढीचा भारतावर अधिक परिणाम होईल असे विदेशी गुंतवणूकदारांचे मत आहे. त्याचे कारण भारत हा कच्च्या तेलाचा मोठा आयातदार आहे.

डिपॉझिटरीच्या आकडेवारीनुसार, विदेशी गुंतवणूकदारांनी 2 ते 11 मार्च दरम्यान समभागांमधून 41,168 कोटी रुपये (FPI Selling ) काढले आहेत. याशिवाय त्यांनी कर्ज विभागातून 4,431 कोटी रुपये आणि हायब्रीड साधनांमधून 9 कोटी रुपये काढले आहेत. अशा प्रकारे त्यांची निव्वळ 45,608 कोटी रुपये काढले आहेत. विदेशी गुंतवणूकदारांची भारतीय बाजारत विक्री करण्याचा हा सलग सहावा महिना आहे.

विजयकुमार यांनी सांगितले की, विदेशी गुंतवणूकदार प्रामुख्याने वित्तीय आणि माहिती तंत्रज्ञान कंपन्यांचे समभाग विकत (FPI Selling ) आहेत. विदेशी गुंतवणूकदारांच्या पोर्टफोलिओमध्ये या समभागांचा सर्वाधिक वाटा आहे हे त्याचे कारण आहे.

वॉटरफील्ड अॅडव्हायझर्सचे मुख्य गुंतवणूक अधिकारी निमिष शाह यांनी सांगितले की, ऑगस्ट-सप्टेंबर 2021 पासून डॉलर मजबूत होत आहे. अमेरिकेतील व्याजदरही आता वाढत आहेत. भू-राजकीय तणावामुळेही त्यांचे पैसे काढणे वाढले असल्याचे ते म्हणाले.

कोटक सिक्युरिटीज इक्विटी रिसर्च (रिटेल) प्रमुख श्रीकांत चौहान यांनी सांगितले की, मार्चमध्ये आतापर्यंत थायलंड वगळता सर्व उदयोन्मुख बाजारपेठांमधून पैसे काढण्यात आले आहेत. तैवान, दक्षिण कोरिया, इंडोनेशिया आणि फिलीपिन्समधून या महिन्यात आतापर्यंत अनुक्रमे 708.9 कोटी डॉलर, 266.5 कोटी डॉलर, 42.6 कोटी डॉलर आणि 2.6 कोटी डॉलर काढण्यात आले आहेत. त्याच वेळी, थायलंडच्या बाजारात विदेशी गुंतवणूकदारांनी 10.2 कोटी डॉलर गुंतवले आहेत.

Foreign Portfolio Investors (FPI) are in the process of withdrawing from the Indian market for the sixth consecutive month. So far in March, foreign investors have pumped out Rs 45,608 crore from the Indian market.

PL/KA/PL/14 MAR 2022