कारागिरांना मिळणार 3 लाख रु.पर्यंत कर्ज हमीशिवाय
नवी दिल्ली, दि. २५ : देशभरातील कुशल कारागिरांना सक्षम करण्यासाठी, केंद्र सरकारने एक विशेष उपक्रम हाती घेतला आहे. विश्वकर्मा या योजनेद्वारे, सरकार कारागिरांना मोफत प्रशिक्षण देत त्याबरोबरच हमीशिवाय ₹3 लाखांपर्यंतचे परवडणारे कर्ज देखील देते. ही योजना स्वतःचे छोटे व्यवसाय करणाऱ्यांसाठी आहे. सरकार या कारागिरांना औपचारिक मान्यता, कौशल्य प्रशिक्षण, आधुनिक साधनांसह मदत आणि त्यांचा व्यवसाय वाढवण्यासाठी परवडणारे कर्ज प्रदान करते.
या योजनेत 18 पारंपारिक व्यवसायांचा समावेश आहे. यामध्ये सुतार, बोटी बांधणारे, लोहार, कुलूप बनवणारे, सोनार, कुंभार, शिल्पकार, चांदी, गवंडी, टोपली किंवा चटई बनवणारे, पारंपारिक खेळणी बनवणारे, न्हावी, माळा बनवणारे, धोबी, शिंपी आणि मासेमारीचे जाळे बनवणारे यांचा समावेश आहे. योजनेची तपशीलवार माहिती pmvishwakarma.gov.in या अधिकृत पोर्टलवर उपलब्ध आहे.
