मस्क यांची AI कंपनी चंद्रावर उभारणार फॅक्टरी

वॉशिग्टन, दि. १२ : एलॉन मस्क यांची कंपनी चंद्रावर AI सॅटेलाइट फॅक्टरी उभारणार आहेत. मस्क यांनी सांगितले की, या माध्यमातून त्यांना सूर्याची ऊर्जा कॅप्चर करायची आहे. मस्क यांनी त्यांच्या AI कंपनी XAI च्या अंतर्गत बैठकीचा 45 मिनिटांचा व्हिडिओ पोस्ट केला, ज्यात ही माहिती समोर आली आहे.

यासाठी मस्क सूर्याच्या एकूण ऊर्जेचा 1% भाग वापरू इच्छितात. मस्क यांचे मत आहे की, अंतराळात आपण एकटे नाही. त्यांना इतर ग्रहांवर एलियन्सचे (परग्रहवासीयांचे) अवशेष आणि तेथे कधीकाळी अस्तित्वात असलेल्या प्राचीन संस्कृतींचे अवशेष (भग्नावशेष) शोधायचे आहेत.

यासाठी चंद्रावर कारखाने उभारले जातील जे AI सॅटेलाइट्स (कृत्रिम बुद्धिमत्ता उपग्रह) बनवतील. तिथे एक ‘मास ड्रायव्हर’ (एक प्रकारचा इलेक्ट्रोमॅग्नेटिक लाँचर) असेल जो सॅटेलाइट्सना अंतराळात सोडेल.
मस्क यांच्या मते, याच्या मदतीने असे AI क्लस्टर (कृत्रिम बुद्धिमत्ता समूह) तयार केले जाऊ शकतात जे सूर्याच्या एकूण ऊर्जेचा मोठा भाग कॅप्चर करू शकतील आणि इतर आकाशगंगांपर्यंत विस्तार करू शकतील.

कोडिंग लिहिण्याची गरजच नाही

मस्क म्हणाले की, या वर्षाच्या अखेरपर्यंत कदाचित कोडिंग लिहिण्याची गरजच पडणार नाही. एआय थेट ‘बायनरी’ (संगणकाची स्वतःची भाषा म्हणजे 0 आणि 1) मध्ये फाइल्स तयार करेल. हे काम कोणत्याही मानवी प्रोग्रामर किंवा सध्याच्या सॉफ्टवेअर (कंपाइलर) पेक्षा कितीतरी पटीने चांगले आणि जलद असेल.

मस्क यांचा दावा आहे की, पुढील 2-3 महिन्यांत त्यांचे ‘ग्रोक कोड’ जगातील सर्वोत्तम कोडिंग मॉडेल बनेल, जे काही क्षणांत जटिल सॉफ्टवेअर तयार करेल.

SL/ML/SL