कर्नाटक विधानसभेत VB-G RAM G विरोधात ठराव मंजूर
बंगळुरु, दि. ४ : कर्नाटक विधानसभेत आज एक महत्त्वाचा ठराव मंजूर करण्यात आला. मुख्यमंत्री सिद्धरामय्या यांनी मंगळवारी मांडलेला ठराव आज सभागृहाने स्वीकारला. या ठरावात केंद्र सरकारला ‘विकसित भारत – रोजगार आणि उपजीविका अभियान (ग्रामीण)’ म्हणजेच VB-G RAMJI योजना तात्काळ रद्द करून मनरेगा योजना पूर्ववत सुरू करण्याची मागणी करण्यात आली. काँग्रेस सरकारचे मत आहे की मनरेगा ही योजना ग्रामीण भागातील गरीब व श्रमिक वर्गासाठी अधिक उपयुक्त असून रोजगार हमी देणारी आहे, तर नवीन योजना ग्रामीण जनतेच्या हिताला बाधक ठरू शकते.
विरोधी पक्षनेते आर. अशोक यांनी मात्र या ठरावाला विरोध दर्शवला. त्यांनी स्पष्ट केले की, भाजप पक्ष केंद्र सरकारच्या VB-G RAMJI योजनेला पाठिंबा देतो आणि ही योजना ग्रामीण रोजगार व उपजीविकेसाठी अधिक परिणामकारक ठरेल. त्यामुळे काँग्रेसने मांडलेला ठराव हा केवळ राजकीय हेतूने प्रेरित असल्याचा आरोप त्यांनी केला.
या ठरावामुळे कर्नाटकात सत्ताधारी काँग्रेस आणि विरोधी पक्ष भाजप यांच्यात ग्रामीण रोजगार योजनांवर तीव्र मतभेद उघड झाले आहेत. केंद्र-राज्य संबंधांमध्येही या निर्णयामुळे तणाव निर्माण होण्याची शक्यता व्यक्त केली जात आहे. ग्रामीण विकासाच्या धोरणांवरून निर्माण झालेला हा संघर्ष पुढील काही दिवसांत अधिक तीव्र होण्याची चिन्हे दिसत आहेत.
SL/ML/SL
