Wheat News: पंतप्रधान मोदींनी घेतला गव्हाच्या स्थितीचा आढावा, अधिकाऱ्यांना दिल्या सूचना
नवी दिल्ली, दि. 6 (एमएमसी न्यूज नेटवर्क) : पंतप्रधान नरेंद्र मोदी(Prime Minister Narendra Modi) यांनी देशातील गव्हाचा पुरवठा, साठा आणि निर्यातीशी संबंधित महत्त्वाच्या मुद्द्यांचा आढावा घेतला. पंतप्रधान मोदी या बैठकीच्या अध्यक्षस्थानी होते. बैठकीत गव्हाबाबतचे तपशीलवार सादरीकरण पंतप्रधानांना देण्यात आले. त्यांना मार्च-एप्रिल 2022 मध्ये पीक उत्पादनावर उच्च तापमानाच्या परिणामाची माहिती देण्यात आली. बैठकीत गहू खरेदी आणि निर्यातीच्या स्थितीचा आढावा घेण्यात आला.
सध्या जागतिक बाजारपेठेत भारतीय कृषी उत्पादनांची मागणी वाढत आहे. या वाढत्या मागणीच्या पार्श्‍वभूमीवर, पंतप्रधान नरेंद्र मोदी यांनी अन्नधान्य आणि इतर कृषी उत्पादने(Agricultural Products), गुणवत्ता मानके आणि निकषांचा विश्वासार्ह स्त्रोत म्हणून भारताचा विकास व्हावा यासाठी सर्व शक्य पावले उचलण्याचे निर्देश दिले आहेत.
शेतकऱ्यांना जास्तीत जास्त मदत करण्याचे निर्देशही त्यांनी अधिकाऱ्यांना दिले. शेतकऱ्यांसाठी फायदेशीर असलेल्या प्रचलित बाजारभावाबाबतही पंतप्रधानांना माहिती देण्यात आली. या बैठकीला पंतप्रधानांचे प्रधान सचिव, सल्लागार, कॅबिनेट सचिव, अन्न व सार्वजनिक वितरण व्यवस्था आणि कृषी विभागाचे सचिव उपस्थित होते.
दरम्यान, भारतात यंदा मोठ्या प्रमाणात गव्हाचे प्रमाण आहे. आमच्याकडे वर्षभर पुरेल एवढा गहू आहे. अन्न आणि सार्वजनिक वितरण सचिव सुधांशू पांडे म्हणाले होते की, बाजारात गव्हाला चांगला भाव मिळत आहे.
पुढील वर्षी योजनेच्या गरजा पूर्ण केल्यानंतर 1 एप्रिल 2023 पर्यंत भारताकडे 80 लाख मेट्रिक टन गहू अतिरिक्त असेल. आवश्यकतेपेक्षा किमान ७५ लाख मेट्रिक टन अधिक असल्याचे पांडे म्हणाले होते. यावर्षी गव्हाचे उत्पादन 1,050 लाख मेट्रिक टनांपर्यंत पोहोचण्याची अपेक्षा आहे.
केंद्र सरकार सध्या गव्हाची निर्यात(Export of wheat) करत आहे. गव्हाची निर्यात रोखण्यासाठी सरकारने कोणतेही पाऊल उचलले नाही, असेही सुधांशू पांडे म्हणाले. आतापर्यंत ४० लाख मेट्रिक टन गहू निर्यातीसाठी करार करण्यात आला आहे. एप्रिल 2022 मध्ये सुमारे 11 LMT गहू निर्यात करण्यात आला आहे. इजिप्त आणि तुर्कीनेही भारतीय गहू आयात करण्याचे मान्य केले.
अर्जेंटिना आणि ऑस्ट्रेलियातील गहू जूनपासून आंतरराष्ट्रीय बाजारपेठेत दाखल होणार आहेत. त्यामुळे आंतरराष्ट्रीय बाजारात गहू विकण्याची वेळ निर्यातदारांवर आली आहे, असे पांडे म्हणाले. मार्च आणि एप्रिलमध्ये कडक उष्मा होता. त्याचाही परिणाम पिकांच्या उत्पन्नावर झाला आहे. अधिकाऱ्यांनी पंतप्रधान मोदींनाही याबाबत माहिती दिली. गव्हाच्या खरेदी आणि निर्यातीचाही त्यांनी आढावा घेतला. कृषी मालाच्या दर्जाबाबत योग्य ती कार्यवाही करण्याचे निर्देश दिले.
HSR/KA/HSR/06 MAY 2022
