Onion prices crashed : कांद्याचे भाव कोसळल्याने कांदा उत्पादक शेतकरी चिंतेत
मुंबई, दि. 29 (एमएमसी न्यूज नेटवर्क) : अनेक संकटांमध्येही शेतकऱ्यांनी कांद्याचे चांगले पीक घेतले असतानाही कांद्याला योग्य तो भाव मिळत नसल्याने राज्यातील कांदा उत्पादक शेतकरी अडचणीत आहेत.. कांद्याचे दर घसरल्याने कांदा उत्पादक शेतकरी चिंतेत आहेत. बाजारात कांदा 200 ते 300 रुपये प्रतिक्विंटल दराने विकला जात आहे. दर घसरल्याने कांदा उत्पादकांच्या डोळ्यात पाणी आले आहे.
बुलढाणा जिल्ह्यात यावर्षी शेतकऱ्यांनी कांद्याचे चांगले उत्पादन घेतले आहे. मात्र, भाव पडल्याने शेतकऱ्यांना आर्थिक अडचणींचा सामना करावा लागत आहे. कांदा उत्पादनात शेतकऱ्यांचे लाखो रुपयांचे नुकसान झाले आहे. मात्र, बाजारात कांदा विक्रीसाठी नेला असता, कांद्याला केवळ 200 ते 300 रुपये प्रतिक्विंटल भाव मिळतो. त्यामुळे शेतकऱ्यांना कांदा उत्पादन खर्च भागवणे कठीण झाले आहे.
कांद्याला भाव नसल्याने शेतकऱ्यांच्या डोळ्यात अश्रू आहेत. यावेळी अनेक शेतकऱ्यांच्या शेतात कांदा पडून आहे. सध्या हवामानातही बदल होत आहे. कधी ऊन तर कधी पाऊस, अशा स्थितीत शेतातील कांद्याची दुरवस्था झाली आहे. त्यामुळे शेतकऱ्यांच्या मनात भीती वाढली आहे. कांदा उत्पादक शेतकरी चिंतेत आहेत. त्यामुळे प्रशासनाने कांद्याला चांगला भाव मिळण्यासाठी प्रयत्न करून भाव निश्चित करावा, अशी मागणी शेतकऱ्यांकडून होत आहे.
सध्या कांद्याचा भाव उत्पादन खर्चापेक्षा कमी आहे. एका कांदा उत्पादक शेतकऱ्याने सांगितले, “कांद्याला कमी भाव मिळाल्याने आमचे डोळे पाणावले आहेत. सध्या कांद्याला 300 ते 500 रुपये प्रतिक्विंटल भाव आहे. हा दर किफायतशीर नाही. हा अतिशय कमी दर आहे. सुरुवातीला कांद्याचा भाव दोन हजार रुपयांपर्यंत होता. मात्र शासनाच्या दुर्लक्षामुळे कांद्याला दर मिळत नसल्याचा आरोप शेतकऱ्यांनी केला आहे.
जय जवान जय किसान असा नारा लावून चालणार नाही. स्वामिनाथन आयोग लागू करावा. तसेच पंतप्रधान नरेंद्र मोदी यांनी शेतकऱ्यांना उत्पादन खर्चाच्या दीडपट भाव मिळेल, अशी घोषणा केली होती, मात्र तसे होताना दिसत नाही.
HSR/KA/HSR/29 April 2022
