मेथीची पातळ भाजी
मेथीची पातळ भाजी
मुंबई, दि. 13 (एमएमसी न्यूज नेटवर्क) : लागणारे जिन्नस:
एक मेथीची जुडी, एक- दीड मुठ भाजलेले शेंगदाणे किंवा अर्धी वाटी दाण्याचं कुट, ८-१० लसूण पाकळ्या, २ हिरव्या मिरच्या, जीरे, मीठ, हळद, फोडणीपुरतं तेल.
क्रमवार पाककृती:
मेथीची जुडी निवडून, धूवून, चिरून घ्यावी. शेंगदाणे, मिरच्या, लसूण, जीरे आणि मीठ पाणी घालून मिक्सरमध्ये वाटून घ्यावे. हे सगळे पदार्थ जितके मिळून येतिल तितकं चांगलं.
कढईत तेल-जीरे, हळदीची फोडणी करून त्यात मेथी परतून घ्यावी. १-२ मिनीट झाकण ठेवून शिजवावी. नंतर यात शेंगदाण्याचं पातळ वाटण घालून १०-१२ मिनीट उकळू द्या. भाजी तयार.
ही भाजी चपाती /भाकरी चुरून खाण्याइतपत पातळ असते.
fenugreek thin vegetable
ML/ML/PGB
13 July 2024
