कच्चे तेल महागल्याचा भारतीय अर्थव्यवस्थेवर होणार परिणाम, महागाई देखील वाढणार

नवी दिल्ली, दि.13 (एमएमसी न्यूज नेटवर्क) आंतरराष्ट्रीय बाजारात कच्चे तेल (crude oil) प्रती बॅरल 70 डॉलरच्या जवळपास पोहोचले आहे. कमोडिटी मार्केटमधील तज्ज्ञांचे म्हणणे आहे की कच्चे तेल पुढील आठवड्यात 75 डॉलर प्रती बॅरलपर्यंत जाऊ शकेल. त्याचा व्यापक परिणाम भारतीय अर्थव्यवस्थेवर (Extensive impact on the Indian economy) पहायला मिळु शकतो.
एंजल ब्रोकिंगचे उपाध्यक्ष (कमोडिटी) अनुज गुप्ता म्हणाले की यावर्षी आतापर्यंत कच्चे तेल (crude oil) 33 टक्के महाग झाले आहे. कच्चे तेल लवकरच 75 डॉलर प्रति बॅरलपर्यंत जाऊ शकते. असे झाले तर भारतीय अर्थव्यवस्थेच्या (Indian economy) प्रगतीच्या गतीवर याचा फार वाईट परिणाम होईल कारण सर्व प्रकारच्या वस्तू महाग होतील. यामुळे महागाई आणखी वेगाने वाढेल. आपण पाहिले आहे की कच्चे तेल महाग झाल्यामुळे गेल्या काही आठवड्यांपासून देशात कांदा, टोमॅटो, अंडी, तेल आणि शुद्ध तेल यासारख्या जीवनावश्यक खाद्यपदार्थाच्या किंमतीत (Prices of essential food items) वाढ झाली आहे. जर कच्च्या तेलाच्या किंमती सातत्याने वाढत राहिल्या तर महागाई आणखी त्रास देईल. याचा मागणी आणि पुरवठा या दोन्ही गोष्टींवर परिणाम होईल. महागड्या कच्च्या तेलाचा केवळ भारतीय अर्थव्यवस्थेवरच नाही तर जगभरातील अर्थव्यवस्थेवरही त्याचा परिणाम झालेला पहायला मिळेल.

कच्चे तेल महाग झाल्याचा भारतीय अर्थव्यवस्थेवरील परिणाम
Impact of rising crude oil prices on the Indian economy

. वाढीव आयात खर्चामुळे चालू खात्यातील तूट वाढेल
. सर्व वस्तू महाग होतील
. डॉलरच्या तुलनेत रुपया आणखी कमकुवत होईल
. महागाई वाढल्यामुळे आरबीआय रेपो दरात वाढ करू शकेल
. शेअर बाजार घसरू शकेल
. ​​शिपिंग, रेल्वे, बस आणि विमान प्रवास महाग होईल

जागतिक अन्नधान्य महागाई सात वर्षांच्या उच्चांकावर
Global food inflation hit seven-year high

जुलै 2014 नंतर फेब्रुवारी, 2021 मध्ये जागतिक अन्नधान्याच्या किंमती उच्चांकी स्तरावर पोहोचल्या आहेत. संयुक्त राष्ट्रांच्या अन्न व कृषी संघटनेच्या (एफएओ) मते, अन्नधान्य निर्देशांक जानेवारीपेक्षा फेब्रुवारीत 2.4 टक्क्यांनी वाढला आहे आणि निर्देशांक आता 116 अंकांवर आहे जो जुलै 2014 नंतरचा सर्वाधिक आहे. एफएओच्या अहवालानुसार फेब्रुवारीत साखर आणि वनस्पती तेलाच्या किंमती वाढल्यामुळे धान्य, दुग्धपदार्थ आणि मांस यांच्या किंमतींमध्ये वाढ झाली.

कच्चे तेल आयात करणारा भारत तिसरा मोठा देश
India is the third largest importer of crude oil

तेल आयात करणारा भारत हा जगातला तिसरा मोठा देश आहे. तेलाच्या गरजेच्या 80 टक्के तेल आपण आयात करतो. केअर रेटींग्जनुसार भारत 157.5 कोटी बॅरल कच्चे तेल खरेदी करतो. अशा कच्च्या तेलाच्या किंमतीत 1 डॉलर प्रति बॅरलने वाढ झाली तरी आयातीमध्ये 10,000 कोटी रुपयांची वाढ होते. जर रुपया कमकुवत झाला तर आयात खर्च आणि तेलाचे दर आणखी वाढतात.

अर्थव्यवस्थेत सुधारणा कमी होईल
Improvement in the economy will slow down

कच्चे तेल (crude oil) महाग झाल्यामुळे पेट्रोल आणि डिझेलच्या किंमतीत आणखी वाढ होईल. यामुळे कोरोना संकटानंतर अर्थव्यवस्था रुळावर आणण्याच्या सरकारचे प्रयत्न आणखी कठिण होतील. डिझेलच्या वाढत्या किंमतींमुळे मालवाहतूक महाग झाली आहे. शेतीचा खर्चही वाढेल. महागाईवर नियंत्रण ठेवण्यासाठी रिझर्व्ह बँकेला रेपो दर वाढवावा लागू शकतो. यामुळे बाजारातील रोख रक्कम कमी होईल. यामुळे कंपन्यांकडे त्यांच्या कर्जाच्या रकमेसाठी कमी पैसे असतील. हे परिस्थिती सुधारण्याची गती कमी करेल.
In the international market, crude oil has reached around  70 doller per barrel. Its broad impact on the Indian economy can be seen. This will further accelerate inflation.
PL/KA/PL/13 MAR 2021