लोकसभेचे माजी अध्यक्ष मनोहर जोशी यांना मरणोत्तर पद्मभूषण पुरस्कार प्रदान
नवी दिल्ली, 27 मे 2025 — भारताच्या राष्ट्रपती द्रौपदी मुर्मू यांनी आज राष्ट्रपती भवनात दुसऱ्या सिव्हिल इन्व्हेस्टिचर समारंभात पद्म पुरस्कार प्रदान केले. या समारंभात 68 प्रतिष्ठित व्यक्तींना पद्म विभूषण, पद्म भूषण आणि पद्म श्री पुरस्कारांनी सन्मानित करण्यात आले. या सोहळ्याला पंतप्रधान नरेंद्र मोदी, उपराष्ट्रपती जगदीप धनखड, केंद्रीय गृहमंत्री अमित शाह आणि अनेक मान्यवर उपस्थित होते. लोकसभेचे माजी अध्यक्ष डॉ. मनोहर गजानन जोशी यांना मरणोत्तर पद्मभूषण पुरस्काराने सन्मानित करण्यात आले. श्री. उन्मेष मनोहर जोशी यांनी हा पुरस्कार नुकताच नवी दिल्ली येथील समारोहात राष्ट्रपती महामहिम द्रौपदी मुर्मू यांच्या शुभहस्ते हा पुरस्कार स्वीकारला.
पद्म विभूषण पुरस्कार: या पुरस्काराने देशाच्या अत्यंत मान्यवर व्यक्तींना सन्मानित करण्यात आले. सार्वजनिक क्षेत्रात योगदान देणाऱ्या माजी सरन्यायाधीश जगदीश सिंह खेहर, प्रसिद्ध लोकसंगीत गायिका शारदा सिन्हा (मरणोत्तर) आणि कथक नृत्यांगना कुमुदिनी राजनिकांत लाखिया (मरणोत्तर) यांना पद्म विभूषण प्रदान करण्यात आला.
पद्म भूषण पुरस्कार: कला, साहित्य आणि सामाजिक क्षेत्रात योगदान देणाऱ्या काही मान्यवरांना पद्म भूषण पुरस्काराने गौरवण्यात आले. प्रसिद्ध नृत्यांगना शोभना चंद्रकुमार, सामाजिक कार्यकर्त्या साध्वी ऋतंभरा आणि अर्थशास्त्रज्ञ बिबेक देबरॉय (मरणोत्तर) यांना पद्म भूषण प्रदान करण्यात आला.
पद्म श्री पुरस्कार: अभिनय, क्रीडा आणि संगीत क्षेत्रातील उत्कृष्ट योगदानासाठी अभिनेते अनंत नाग, फुटबॉलपटू इनिवलप्पिल मणी विजयन आणि संगीतकार ऋकी ग्यान केज यांना पद्म श्री पुरस्कार प्रदान करण्यात आला.
पद्म पुरस्कारांचे महत्त्व: पद्म पुरस्कार हे भारताचे सर्वोच्च नागरी सन्मानांपैकी एक असून, विविध क्षेत्रांतील योगदानासाठी हे पुरस्कार दिले जातात. कला, सामाजिक कार्य, सार्वजनिक व्यवहार, विज्ञान आणि अभियांत्रिकी, व्यापार आणि उद्योग, वैद्यकीय सेवा, साहित्य आणि शिक्षण, क्रीडा आणि नागरी सेवा यासारख्या क्षेत्रांमध्ये महत्त्वपूर्ण कार्य करणाऱ्या व्यक्तींना हा सन्मान मिळतो.
