TVS सादर केली जगातील पहिली CNG स्कूटर

नवी दिल्ली, दि. २१ (एमएमसी न्यूज नेटवर्क) : येथे सुरु असलेल्या भारत मोबिलिटी ग्लोबल एक्स्पो 2025 मध्ये TVS मोटारने आपल्या ज्युपिटर CNG स्कूटरचे कन्सेप्ट मॉडेल प्रदर्शित केले. ज्युपिटर सीएनजी ही जगातील पहिली सीएनजी स्कूटर आहे. ही स्कूटर सीएनजी आणि पेट्रोल या दोन्हीवर धावू शकते. ही स्कूटर एक किलो CNG वर 84km धावू शकते. ही स्कूटर पेट्रोल आणि CNG या दोन्हीसह 226km पर्यंतची रेंज देईल. त्याच्या सीटखाली सीएनजी सिलिंडर बसवण्यात आला आहे, जो 1.4 किलो गॅस साठवू शकतो. स्कूटरमध्ये 2 लीटरची पेट्रोल टाकी देखील आहे.

ज्युपिटर सीएनजी स्कूटरमध्ये सेमी-डिजिटल ॲनालॉग डिस्प्ले, यूएसबी चार्जर आणि स्टार्ट/स्टॉप टेक यासारखी वैशिष्ट्ये असतील. स्कूटर 125cc सिंगल-सिलिंडर इंजिनसह लाँच करण्यात आली आहे, जी 7.2hp पॉवर आणि 9.4Nm टॉर्क जनरेट करते.

ज्युपिटर सीएनजी स्कूटरचा टॉप स्पीड 80.5 किमी प्रतितास आहे. कंपनीने अद्याप या CNG स्कूटरची लाँच तारीख आणि किंमत जाहीर केलेली नाही. CNG मॉडेलची किंमत पेट्रोलवर चालणाऱ्या ज्युपिटर 125च्या किमतीएवढी असू शकते. ज्युपिटर 125 ची किंमत 79,540 ते 90,721 रुपये (एक्स-शोरूम) दरम्यान आहे.

SL/ML/SL

21 Jan. 2025