बांगलादेशात सत्तापालट, BNP चा ऐतिहासिक विजय
ढाका, दि. १३ : बांगलादेशमध्ये संसदीय निवडणुकीनंतर मतमोजणी सुरू आहे. माजी पंतप्रधान खालिदा झिया यांचे पुत्र तारिक रहमान यांच्या नेतृत्वाखालील बांगलादेश नॅशनलिस्ट पार्टी (बीएनपी) मोठ्या विजयासाठी सज्ज झाला आहे. स्थानिक टीव्हीचा हवाला देत रॉयटर्सने वृत्त दिले आहे की बीएनपीने 300 सदस्यांच्या संसदेत 212 जागा जिंकल्या आहेत, तर त्यांचे उमेदवार इतर अनेक जागांवर आघाडीवर आहेत. पंतप्रधान मोदींनी तारिक रहमानला विजयाच्या शुभेच्छा दिल्या. माजी पंतप्रधान खालिदा झिया यांचे पुत्र तारिक रहमान यांच्या नेतृत्वाखालील बीएनपी २१२ जागा जिंकून प्रचंड विजयाकडे वाटचाल करत आहे. शेख हसीना यांच्या अनुपस्थितीत ही निवडणूक झाली, ज्यांनी हेराफेरीचा आरोप करत निवडणूक रद्द करण्याची मागणी केली आहे.
बांगलादेशमध्ये गुरुवारी भारतीय वेळेनुसार दुपारी 4 वाजता मतदान संपले. मतमोजणी सुरू आहे. शुक्रवारी सकाळी जाहीर झालेल्या अंदाजानुसार, बीएनपीच्या नेतृत्वाखालील आघाडीने 212 जागा जिंकल्या, तर जमातच्या नेतृत्वाखालील आघाडीने 70 जागा जिंकल्या. 350 जागांपैकी 299 जागांसाठी मतदान झाले. गुरुवारच्या निवडणुकीत, मतदारांनी राष्ट्रीय संसदेच्या 299 जागांसाठी मतदान केले, ज्यासाठी बहुमताचा आकडा १५० आहे. शेरपूर-३ मतदारसंघात उमेदवाराच्या निधनामुळे मतदान रद्द करण्यात आले. राष्ट्रीय संसदेतील पन्नास जागा महिलांसाठी राखीव आहेत आणि त्यांची निवड 300 सर्वसाधारण जागांवर पक्षाच्या प्रतिनिधित्वावर आधारित आहे.
SL/ML/SL
