Maharashtra Krushi Din : मुख्यमंत्री शिंदे यांनी शेतकऱ्यांना कृषी दिनाच्या दिल्या शुभेच्छा
नवी दिल्ली, दि. 1(एमएमसी न्यूज नेटवर्क) : आधुनिक भारतीय कृषी क्षेत्रात वसंतराव नाईक(Vasantrao Naik) यांचे अमूल्य योगदान आहे. त्यांच्या योगदानाचा गौरव म्हणून १ जुलै हा दिवस ‘कृषी दिन’ (Maharashtra Krushi Day) म्हणून साजरा केला जातो. 1989 मध्ये तत्कालीन मुख्यमंत्री शरद पवार यांनी कृषी दिन साजरा करण्याचा निर्णय जाहीर केला होता. तेव्हापासून सर्व शासकीय कार्यालयांमध्ये १ जुलै रोजी कृषी दिन साजरा केला जातो.
राज्यातील हरित क्रांतीचे जनक आणि माजी मुख्यमंत्री वसंतराव नाईक यांनी कृषी क्षेत्राच्या विकासात दिलेल्या महत्त्वपूर्ण योगदानाची आठवण म्हणून आजचा दिवस कृषी दिन म्हणून साजरा केला जातो. आजच्या कृषी दिनानिमित्त महाराष्ट्राचे नवनियुक्त मुख्यमंत्री एकनाथ शिंदे(Chief Minister Eknath Shinde) यांनी शेतकऱ्यांना शुभेच्छा दिल्या आहेत. त्यांनी ट्विट करून महाराष्ट्राने समृद्धीसाठी प्रयत्न केले पाहिजेत आणि कृषी दिनाच्या शुभेच्छा दिल्या.
महाराष्ट्र समृद्ध आणि संपन्न करण्यासाठी आपण सर्वांनी कटिबद्ध असले पाहिजे, असे सांगून मुख्यमंत्री एकनाथ शिंदे यांनी आज कृषी दिनानिमित्त शेतकऱ्यांना शुभेच्छा दिल्या. हा दिवस आपण कृषी दिन म्हणून साजरा करतो. त्यांनी आपल्या ट्विटमध्ये म्हटले आहे की, महाराष्ट्राला सुजलाम आणि सुफलाम करण्यासाठी आपण सर्वांनी कटिबद्ध असले पाहिजे.
देशाची तसेच राज्याची अर्थव्यवस्था प्रामुख्याने कृषी क्षेत्रावर अवलंबून आहे. महाराष्ट्र हे कृषी क्षेत्रातही आघाडीचे राज्य मानले जाते. महाराष्ट्रात हरितक्रांती घडवून आणण्यात तत्कालीन मुख्यमंत्री वसंतराव नाईक यांचे मोठे योगदान आहे. त्यांना राज्याच्या हरितक्रांतीचे जनक म्हटले जाते. वसंतराव नाईक यांनी राज्यातील कृषी क्षेत्राचा विकास करून राज्य अन्नधान्यात स्वयंपूर्ण कसे होईल याकडे विशेष लक्ष दिले.
HSR/KA/HSR/ 01 July 2022
