#’खेती का खून तीन काले कानून’ कृषी कायद्यावरील पुस्तक काँग्रेसकडून प्रकाशित

नवी दिल्ली, दि. 19 (एमएमसी न्यूज नेटवर्क) : दिल्ली येथील काँग्रेस पक्षाच्या मुख्यालयात काँग्रेस नेते राहुल गांधी यांनी कृषी कायद्यावरील ‘खेती का खून तीन काले कानून’ या पुस्तकाचे प्रकाशन केले. भाजप अध्यक्ष जेपी नड्डा यांच्या ट्विटवर प्रतिक्रिया व्यक्त करताना काँग्रेस नेते राहुल गांधी म्हणाले, ‘शेतकऱ्यांना वास्तव माहित आहे. राहुल गांधी काय करतात याचीही सर्व शेतकर्‍यांना माहिती आहे. माझे व्यक्तीमत्व स्वच्छ आहे, मला नरेंद्र मोदींची भीती नाही आणि मला या लोकांचीही भीती नाही, ते आपल्याला स्पर्शही करु शकत नाहीत, होय ते आमच्यावर गोळ्या झाडू शकतात. मी देशाचे रक्षण करतो आणि करत राहीन.
काँग्रेस नेता राहुल गांधी यांनी पत्रकार परिषदेत सांगितले की, ‘प्रत्येक उद्योगात चार ते पाच जणांची मक्तेदारी वाढत आहे, म्हणजे या देशात चार-पाच नवीन मालक आहेत. आजपर्यंत शेतीत मक्तेदारी नाही. नरेंद्र मोदी शेतीची संपूर्ण रचना चार-पाच जणांच्या हाती देत आहेत. काँग्रेस नेते पुढे म्हणाले, ‘सरकार शेतकर्‍यांचे लक्ष वेधण्यासाठी प्रयत्न करीत आहे, सरकार शेतकऱ्यांना बोलण्यास सांगत आहे. यासाठी 9 वेळा बातचीतही झाली आहे, सरकार या प्रकरणाला न्यायालयात ओढत आहे. पक्षाच्या सूत्रांनी सांगितले की, नवीन कृषी कायद्यांबाबत तयार करण्यात आलेल्या पुस्तिकेमध्ये कृषी कायद्यांमधील तोटा आणि त्याचा शेतकर्‍यांवर होणाऱ्या दुष्परिणामांची सविस्तर माहिती देण्यात आली आहे.
दिल्लीच्या विविध सीमांवर आंदोलन करणाऱ्या शेतकऱ्यांच्या समर्थनार्थ काँग्रेस पक्षाने केंद्र सरकारने आणलेले कृषी कायदे रद्द करण्याची मागणी केली आहे. यापूर्वी 24 डिसेंबर रोजी पक्षाने यासंदर्भात भारतीय राष्ट्रपतींना निवेदन देण्यात आले. काँग्रेस शासित राज्यांनीही आपापल्या विधानसभांच्या कायद्यांविरूद्ध ठराव संमत केला आणि हे ठराव त्यांच्या राज्यपालांना पाठविले आहेत.

Tag-Publication of the book/Kheti Ka Khun Tin Kale Kanoon'

HSR/KA/HSR/ 19 JANUARY 2021