महाराष्ट्रात थंडीच्या लाटेची पुन्हा शक्यता
मुंबई, दि. 31 (एमएमसी न्यूज नेटवर्क): राज्यात गेल्या आठवडाभरात हवामानात अचानक बदल झाल्याने ढगाळ वातावरणामुळे काही भागात पावसाने हजेरी लावली. मात्र उत्तर भारतातील वातावरणात अचानक झालेल्या बदलामुळे बर्फवृष्टी होत आहे. महाराष्ट्रातील काही जिल्ह्यांवर उत्तर भारतातील या हवामानाचा मोठा परिणाम होईल, असा अंदाज हवामान खात्याने वर्तवला आहे. यामुळे उद्यापासून थंडीची लाट येण्याची शक्यता वर्तवली आहे.
उत्तरेकडील काही राज्यांमध्ये बर्फवृष्टी होत आहे. या पर्यावरणीय बदलाचा परिणाम महाराष्ट्रातील काही भागात दिसून येईल. १ फेब्रुवारीपासून कडाक्याची थंडी पडण्याचा इशारा हवामानतज्ज्ञ माणिकराव हुले यांनी दिला आहे.Chance of cold wave again in Maharashtra
काल सकाळी उशिरापर्यंत नाशिक जिल्ह्यासह महाराष्ट्र राज्य आणि पश्चिम महाराष्ट्रात दाट धुके होते. थंड वारा नसल्याने थंडी कमी जाणवत होती. राज्यात तीन दिवसांपासून ढगाळ वातावरण असून, किमान आणि कमाल तापमानात चढ-उतार होत आहेत. औरंगाबादमध्ये आज 11.8 अंश सेल्सिअस किमान तापमानाची नोंद झाली.
पुण्यासह मध्य प्रदेशातही थंडीचा कडाका जाणवणार आहे. मुंबईतील किमान तापमान सरासरीपेक्षा कमी राहण्याचा इशारा हवामान खात्याने दिला आहे. गुजरातमधून येणाऱ्या थंड वाऱ्यांमुळे पालघर, उत्तर मुंबई आणि ठाणे अधिक प्रभावित होणार आहेत. याने तापमानात लक्षणीय घट होईल, असा इशारा हवामान खात्याने दिला आहे.
पश्चिम महाराष्ट्र, मराठवाडा आणि उत्तर भारतात अजूनही कडाक्याची थंडी जाणवत आहे. 26 जानेवारीपर्यंत थंडीचा जोर कमी होईल, असा अंदाज हवामान खात्याने वर्तवला होता, मात्र नव्या अंदाजानुसार राज्यात पुन्हा थंडी पडण्याची शक्यता आहे.
ML/KA/PGB
31 Jan. 2023
