जगातील सर्वोच्च 10 अब्जाधीशांच्या यादीतून अदानी,अंबानींची घसरण
मुंबई,दि. 31 (एमएमसी न्यूज नेटवर्क) : अल्पावधीतच देशातील एक मोठा उद्योगसमुह म्हणून उदयास आलेल्या अदानी उद्योग समूहाला हिंडेनबर्ग’च्या अहवालानंतर ४.२ लाख कोटी रुपयांचा फटका बसला आहे. अदानी टोटल गॅस आणि अदानी ग्रीन एनर्जीच्या समभागांमध्ये गेल्या चार दिवसांत सर्वाधिक २० टक्क्यांपर्यंतची घसरण झाल्याचे दिसून आले.
जगातील सातव्या क्रमांकाचे उद्योगपती गौतम अदाणी यांच्या उद्योगसमूहावर ‘हिंडेनबर्ग’ने गंभीर आरोप केले आहेत. अदानीप्रवर्तीत उद्योगसमूहाने दशकांपासून ताळेबंदात आणि लेखांमध्ये गैरप्रकार केल्याचं अमेरिकेतील गुंतवणूक सल्लागार संस्था ‘हिंडेनबर्ग’च्या आपल्या एका अहवालात म्हटलं आहे. यामुळे गौतम अदानी यांचे जगातील सर्वोच्च 10 अब्जाधीशांच्या यादीतील स्थान आता घसरले आहे.
ब्लूमबर्ग बिलेनिअर्स इंडेक्सनुसार, गौतम अदानी यांच्या एकूण संपत्तीत घट होऊन ती आता ८४.४ अब्ज डॉलर इतकी झाली आहे. त्यामुळे ते आता जगातील श्रीमंतांच्या यादीत अकराव्या स्थानी आहेत.
SL/KA/SL
31 Jan. 2023
