नवी मुंबई आंतरराष्ट्रीय विमानतळावर पहिल्या व्यावयायिक विमानाचे लँडींग यशस्वी
मुंबई, दि. २९ (एमएमसी न्यूज नेटवर्क) : नवी मुंबईकरांसाठी अत्यंत आनंदाची बातमी आहे. आज इंडिगो एअरलाइन्स चं आ थ्री ट्वेंटी विमानाचं यशस्वी लँडिंग झालेलं आहे. अग्निशमन दलाकडून विमान लँड झाल्यानंतर विमानाला पाणी फवारून सलामीही देण्यात आली आहे. नवी मुंबई आंतरराष्ट्रीय विमानतळावरील जवळपास सर्व कामंही पूर्ण झालेली आहेत.
महिनाभरापूर्वी वायुदलाच्या सी 295 आणि सुखोई 30 या विमानांचे येथे लँडींग झाले होते, या विमानांचे लँडींग यशस्वी झाल्यानंतर पहिल्यांदाच व्यावसायिक विमानाचं लँडिंग करण्यात आलं आहे. मुंबई छत्रपती शिवाजी महाराज आंतरराष्ट्रीय विमानतळावरील भार कमी करण्यासाठी नवी मुंबईत उभारण्यात आलेलं हे विमानतळ पुढील वर्षी म्हणजेच मार्च 2025 रोजी सुरू होणार असल्याची माहिती मिळत आहे.
हैद्राबाद येथील राजीव गांधी आंतरराष्ट्रीय विमानतळानंतर नवीन मुंबईतील विमानतळ हे दुसरे देशातील सर्वात मोठं विमानतळ आहे. जवळपास 5,945 एकर जागेवर हे विमानतळ उभारण्यात आलं आहे. मुंबईपासून 40 किमी अंतरावर पनवेलजवळ हे विमानतळ बांधण्यात आले आहेत. नवी मुंबई विमानतळाला दि.बा. पाटील आंतरराष्ट्रीय विमानतळ नाव देण्याचा निर्णय राज्य सरकारने घेतला असून लवकरच केंद्र सरकारकडूनही त्यास मान्यता मिळण्याची शक्यता आहे.
SL/ML/SL
29 Dec. 2024
