तिरंगी रंगात सजला पंढरपूरचा विठूराया
पंढरपूर, दि. 26 (एमएमसी न्यूज नेटवर्क): भारतीय प्रजासत्ताक दिनानिमित्त आज पंढरपूरच्या विठ्ठल मंदिरामध्ये तिरंगी रंगाच्या फुलांची आकर्षक सजावट करण्यात आली आहे. झेंडू ,शेवंती आणि हिरव्या पानांच्या माध्यमातून विठ्ठल आणि रुक्मिणी मातेच्या गर्भगृहाबाहेर ही आकर्षक तिरंगा रंगांची सजावट सर्व भाविकांचे लक्ष वेधून घेत आहे.Vithuraya of Pandharpur decorated in tricolor
सदरची तिरंगा रंगाची सजावट ही पुणे येथील भाविक सचिन चव्हाण यांनी विठ्ठल चरणी अर्पण केली. एरवी अबीर बुक्क्यात सजणारा भक्तांचा लाडका विठूराया आज भारतीय प्रजासत्ताक दिनामुळे तिरंगा रंगात सजलेला दिसून आला. यावेळी विठ्ठलास पांढराशुभ्र पोशाख परिधान करण्यात आला होता.
ML/KA/PGB
26 Jan. 2023
