चीनकडे पाठ फिरवत या देशाकडे वळले जगातील अब्जाधीश उद्योजक
मुंबई, दि. १४ (एमएमसी न्यूज नेटवर्क) :
स्वस्त मनुष्यबळ आणि सरकारकडून पायाभूत सुविधांबाबत मिळणारे पाठबळ यांमुळे गेली काही वर्षे व्यवसाय करण्यासाठी परदेशी कंपन्या चीनमध्ये व्यवसाय उभारण्यास प्राधान्य देत होत्या. मात्र आता या कंपन्यांनी चीनकडे पाठ फिरवली आहे. जगभरातील अब्जाधीश आता व्यवसायासाठी चीनला प्राधान्य देत नसल्याचे दिसून येत आहे. अब्जाधीश उद्योजक व्यवसायासाठी UAE देश विशेषतः राजधानी अबुधाबी ला प्राधान्य देत आहेत. चीनसाठी हा मोठा धक्का आहे. परदेशी गुंतवणूकदार चीनमधून आपला व्यवसाय बंद करत आहेत. अहवालानुसार, हे देखील उघड झाले आहे की 2023 मध्ये ऑस्ट्रेलिया, सिंगापूर, युनायटेड स्टेट्स आणि स्वित्झर्लंडसह युएईला गुंतवणूकीसाठी पसंती आहे. सुमारे 4,500 अब्जाधीश यूएईमध्ये गेले आहेत. त्यामुळे चीनची आर्थिक स्थिती बिघडत चालली आहे.
नुकतेच क्रिप्टोकरन्सीचे सर्वात श्रीमंत व्यक्ती झाओ चांगपेंग, हेज फंड अब्जाधीश रे डालियो आणि रशियन स्टील मॅग्नेट व्लादिमीर लिसिन यांनी त्यांची मालमत्ता युएईमधील अबु धाबी येथे हस्तांतरित केली. संपत्ती सल्लागार कंपनी
एम/एचक्यू (M/HQ) च्या आकडेवारीतून हे समोर आले आहे. आकडेवारीनुसार, गगनचुंबी इमारती असलेला अबु धाबी हा देश अब्जाधीशांची पहिली पसंती बनला आहे. तज्ज्ञांच्या मते अबुधाबीला अब्जाधीश जाण्याचे एक कारण म्हणजे कर दर. यामुळे अब्जाधीशांना एसपीव्ही मधील होल्डिंगसाठी त्यांचे कर कमी करण्यास मदत होऊ शकते. त्याच वेळी युएईमध्ये परकीय हस्तक्षेपापासून मालमत्तेचे संरक्षण करण्यासाठी यंत्रणा देखील आहेत. याव्यतिरिक्त, युक्रेन युद्धामुळे युएईने रशियासारख्या देशांवर निर्बंध लादण्यापासून स्वतःला दूर ठेवले आहे.
जगभरातील अब्जाधीश यावर्षी अबू धाबीमध्ये स्पेशल पर्पज एंटिटीज (एसपीई) स्थापन करत आहेत. एसपीई ही आर्थिक जोखीम कमी करण्यासाठी मूळ कंपनीने स्थापन केलेली एक उपकंपनी आहे. त्यांना होल्डिंग कंपन्या देखील म्हणतात. मूळ कंपनी दिवाळखोर झाली तरी स्वतंत्र कंपनी म्हणून कायदेशीर स्थितीमुळे ती सुरक्षित राहते. या कंपन्या त्यांच्या स्वत: च्या ताळेबंदाने स्थापित केल्या जातात. एम/एचक्यूच्या मते, 2016 मध्ये 46 च्या तुलनेत अबू धाबीमध्ये सध्या 5,000 हून अधिक एसपीई आहेत.
SL/KA/SL
14 Dec. 2023
