छत्रपती शिवाजी महाराज पुतळ्याच्या उभारणीचे काम जोरात सुरू
सिंधुदुर्ग, दि. 28 (एमएमसी न्यूज नेटवर्क) :सिंधुदुर्ग जिल्ह्यातील मालवण येथील राजकोट किल्यावर छत्रपती शिवाजी महाराजांचा पुतळा नव्याने उभारण्याचे काम जोरदारपणे सुरू आहे. हे काम सार्वजनिक बांधकाम विभागाच्या देखरेखीखाली करण्यात येत आहे. या कामाच्या चौथऱ्याचे काम सुरू असून यात स्टेनलेस स्टीलचा वापर केला जात आहे. राज्य शासन राजकोट किल्यावर छत्रपती शिवाजी महाराजांचा ६० फूट उंच पुतळा उभारत आहे. पुतळा उभारणीचं काम ज्येष्ठ शिल्पकार राम सुतार यांच्या कंपनीला देण्यात आला आहे. पुढील सहा महिन्यात राजकोट किल्ल्यावर छत्रपती शिवरायांचा पुतळा उभारणीचे काम पूर्ण होण्याची शक्यता व्यक्त केली जात आहे.
ML/ML/PGB 28 Jan 2025
