राज्य मराठी चित्रपट पुरस्काराच्या प्रवेशिकेस मुदतवाढ
मुंबई, दि. 28 (एमएमसी न्यूज नेटवर्क) :६१ व्या महाराष्ट्र राज्य मराठी चित्रपट पुरस्काराच्या प्रवेशिकेस मुदतवाढ देण्यात आली असून निर्मात्यांनी २७ डिसेंबर २०२४ पर्यंत प्रवेशिका सादर करण्याचे आवाहन महाराष्ट्र चित्रपट, रंगभूमी आणि सांस्कृतिक विकास महामंडळाच्या व्यवस्थापकीय संचालक स्वाती म्हसे पाटील यांनी केले आहे.
१ जानेवारी २०२३ ते ३१ डिसेंबर २०२३ या कालावधीत सेन्सॉर झालेल्या मराठी चित्रपटांच्या निर्मात्यांना या पुरस्कारासाठी अर्ज करता येणार आहे. यासाठी आवश्यक असणारी प्रवेशिका महामंडळाच्या filmcitymumbai.org या संकेतस्थळावर तसेच जनसंपर्क विभागात उपलब्ध आहे. त्यामुळे निर्मात्यांनी विहित मुदतीत आवश्यक कागदपत्रांसह प्रवेशिका महामंडळाच्या जनसंपर्क विभागात सादर कराव्यात असे आवाहन महामंडळ प्रशासनाने केले आहे.
ML/ML/PGB 28 2024
