आशियाई चलनांमध्ये रुपयाची सर्वात वाईट कामगिरी
नवी दिल्ली, दि.22 (एमएमसी न्यूज नेटवर्क): आशियातील (Asia) सर्वात वाईट कामगिरी करणारे चलन म्हणून भारतीय चलन रुपया (Indian rupee) 2021 ला निरोप देणार आहे. वास्तविक भारतीय रुपयाची घसरण सुरूच आहे. एका अहवालानुसार, रुपया आशियाई बाजारातील सर्वात वाईट कामगिरी करणारे चलन बनले आहे. यामागचे मुख्य कारण म्हणजे परदेशी गुंतवणूकदारांकडून सुरू असलेली विक्री.
विक्रीचे वर्चस्व निर्माण होण्याचा अर्थ आहे परदेशी गुंतवणूकदार देशांतर्गत शेअर बाजारातून त्यांचे पैसे वेगाने काढून घेत आहेत. अहवालात म्हटले आहे की ऑक्टोबर ते डिसेंबर या तिमाहीत अमेरिकन डॉलरच्या तुलनेत भारतीय रुपया (Indian rupee) 1.9 टक्क्यांनी कमकुवत झाला आहे. या काळात भारतीय चलन प्रति डॉलर 74 रुपयांच्या तुलनेत आता 76 रुपये प्रति डॉलरच्या पुढे गेले आहे.
पाकिस्तानी रुपया आणि श्रीलंकेच्या चलनांसारख्या दक्षिण आशियातील (South Asia) लहान चलनांसमोरही रुपयाची (Indian rupee) कामगिरी कमकुवत दिसू शकते. याउलट, गेल्या 12 महिन्यांत बहुतेक आशियाई चलने अमेरिकन डॉलरच्या तुलनेत वाढली आहेत. इतर चलनांबद्दल बोलायचे झाल्यास, चीनचे चलन रॅन्मिन्बी, फिलीपिन्सचे चलन पेसो, दक्षिण कोरियाचे चलन वोन, मलेशियाचे चलन रिंगिट आणि थायलंडचे चलन बाट मजबूत झाले आहेत.
अहवालानुसार, जागतिक गुंतवणूकदारांनी भारतीय शेअर बाजारातून 420 कोटी डॉलर (सुमारे 31,920 कोटी रुपये) काढले आहेत. आशियातील (Asia) कोणत्याही शेअर बाजारातून काढण्यात आलेले हे सर्वात जास्त भांडवल आहे. याशिवाय, कोरोना विषाणू ओमायक्रॉनमुळे भारतीय शेअर बाजारावर सतत दबाव आहे. अशा स्थितीत गुंतवणूकदारांची चिंता वाढली आहे.
भारत आपल्या गरजेच्या 80 टक्के कच्चे तेल विदेशातून आयात करतो. अमेरिकन डॉलर महाग झाल्यामुळे रुपया (Indian rupee) अधिक खर्च होणार आहे, कारण परदेशातून वस्तू खरेदी करण्यासाठी प्रथम रुपयाचे डॉलरमध्ये रूपांतर केले जाते. रुपया कमकुवत झाल्यामुळे पेट्रोल, डिझेल आणि इतर पेट्रोलियम पदार्थ महागणार असून त्याचा थेट परिणाम लोकांच्या खिशावर होणार आहे. पेट्रोलियम पदार्थांच्या किंमती वाढल्या, तर मालवाहतूक, वाहतूक महाग होईल आणि त्यामुळे सर्वसामान्यांच्या वापरासाठीचे सामानही महाग होईल.
The Indian rupee is set to retire in 2021 as the worst performing currency in Asia. The real Indian rupee continues to depreciate. According to a report, the rupee has become the worst performing currency in Asian markets. The main reason for this is the ongoing sales from foreign investors.
PL/KA/PL/22 DEC 2021
