#भारतीय अर्थव्यवस्थेसाठी चांगली बातमी, भारतीय स्टेट बँकेने जीडीपी वाढीतील अनुमानात केली सुधारणा

नवी दिल्ली, दि.17 (एमएमसी न्यूज नेटवर्क): अर्थव्यवस्थेच्या आघाडीवर दिलासा देणारे वृत्त आहे. भारतीय स्टेट बँक (एसबीआय) च्या संशोधन अहवालात जीडीपी वाढीचा अंदाज वाढविण्यात आला आहे. एसबीआयच्या अहवालात म्हटले आहे की अर्थव्यवस्थेतील सुधारणांमुळे वित्तीय वर्ष 21 साठी जीडीपी विकास दर उणे 7.4 टक्के असण्याची शक्यता आहे, आधीच्या अंदाजानुसार हा आकडा उणे 10.9 टक्के होता. या व्यतिरिक्त अहवालात सांगण्यात आले आहे की साथीच्या आधीच्या पातळीवर पोहोचण्यासाठी सुमारे चार तिमाही ते सात तिमाहीचा कालावधी लागेल.
एसबीआयचा संशोधन अहवाल- इकोरॅप मध्ये सांगण्यात आले आहे की, दुसर्‍या तिमाहीनंतर रिझर्व्ह बॅंकेच्या व बाजारातील सुधारित अंदाजानंतर आता आम्ही आशा करतो की संपूर्ण वर्षासाठी (आर्थिक वर्ष 2020-21) जीडीपी मध्ये 7.4 टक्क्यांची घसरण होईल ( आमच्या पूर्वीच्या उणे 10.9 टक्क्यांच्या तुलनेत). अहवालात म्हटले आहे की सुधारित जीडीपी अंदाज एसबीआयच्या ‘नॉउकास्टिंग मॉडेल’ वर आधारित आहे, ज्यात औद्योगिक उलाढाल, सेवा उलाढाली आणि जागतिक अर्थव्यवस्थेशी संबंधित 41 उच्च आवृत्ती निर्देशकांचा समावेश आहे.
या मॉडेलच्या आधारे, तिसर्‍या तिमाहीत जीडीपी विकास दर 0.1 टक्क्यांच्या जवळ असू शकेल. त्यात म्हटले आहे की तिसर्‍या तिमाहीमध्ये 41 उच्च आवृत्तीच्या अग्रगण्य निर्देशकांपैकी 58 टक्के तेजी दाखवत आहेत.
जागतिक पतमानांकन संस्था एस अँड पी ग्लोबल रेटिंगने मंगळवारी चालू आर्थिक वर्ष 2021 साठी भारताच्या वाढीचा अंदाज उणे 9 टक्क्यांवरून उणे 7.7 टक्के केला आहे. एस अँड पी यांनी निवेदन जारी केले आहे. या निवेदनानुसार, वाढती मागणी आणि संसर्गाच्या घटत्या दराने भारतीय अर्थव्यवस्थेवरील कोविड प्रादुर्भावाचा आमचा अंदाज बदलला आहे. एस अँड पी ग्लोबल रेटिंगने मार्च 2021 रोजी संपत असलेल्या आर्थिक वर्षासाठी वास्तविक जीडीपी वाढ उणे 9 टक्क्यांवरून सुधारुन उणे 7.7 टक्के केली आहे.
Tag-Indian Economy/SBI/GDP Growth/Report
PL/KA/PL/17 DEC 2020