शिवसेना शिंदे गटाचे आठ उमेदवार जाहीर
मुंबई, दि. २८ (एमएमसी न्यूज नेटवर्क) : शिवसेना शिंदे आठ उमेदवारांची पहिली यादी आज जाहीर करण्यात आली असून त्यात सात विद्यमान खासदाराना पुन्हा उमेदवारी मिळाली आहे.
आज जाहीर करण्यात आलेल्या यादीत राहुल शेवाळे , सदाशिव लोखंडे, धैर्यशील माने , संजय मंडलिक , श्रीरंग बारणे, हेमंत पाटील आणि प्रतापराव जाधव या सात विद्यमान खासदारांना पुन्हा उमेदवारी मिळाली आहे तर रामटेक मधून कृपाल तुमाने यांच्या जागी काँग्रेसमधून आलेल्या राजू पारवे यांना उमेदवारी मिळाली आहे. दरम्यान आज अभिनेता आणि माजी खासदार गोविंदा याने तब्बल चौदा वर्षांच्या कालावधीनंतर पुन्हा राजकारणात येत शिवसेना शिंदे गटात प्रवेश केला आहे . त्याला मुंबई उत्तर पश्र्चिम मतदारसंघातून उमेदवारी मिळण्याची शक्यता आहे.
ML/ML/SL
28 March 2024
