गुढीपाडव्यानिमित्त दिगंबर समुदायाने फडकविला धर्मध्वज.
वाशिम, दि. 22 (एमएमसी न्यूज नेटवर्क): वाशीम जिल्ह्यातील शिरपूर येथील अंतरिक्ष पार्श्वनाथ मंदिर हे श्वेतांबर व दिगंबर पंथीयांच्या आंतरीक वादामुळे चर्चेत आले होते. २० मार्च ला प्रशासनाच्या मदतीने दोन्ही पंथीयातील वाद मिटवल्याने मूर्तीच्या लेपनाबाबतचा वाद संपुष्टात आला आहे.Digambar community hoisted the religious flag on the occasion of Gudi Padwa.
त्यामुळे मंदिर परिसरात शांततापूर्ण वातावरण आहे. आज गुढीपाडव्यानिमित्त शिरपूर जैन येथील अंतरिक्ष पार्श्वनाथ मंदिरावर वार्षिक महोत्सवानिमित्त दिगंबर समुदायाच्या वतीने धर्मध्वज फडकविण्यात आला. यावेळी दिगंबर मुनीसह मोठ्या प्रमाणात समाज बांधव उपस्थित होते.
दरवर्षी गुढीपाडव्याच्या दिवशी दिगंबर समुदायाचा वार्षिक महोत्सव साजरा करण्यात येत असतो. त्यानुसार हा कार्यक्रम हजारो दिगंबर जैन बांधवांच्या उपस्थितीत सकाळी नऊ वाजून पन्नास मिनिटांनी पार पडला. धर्म ध्वज पुणे येथील प्रसिद्ध उद्योजक अतुल शहा यांच्या हस्ते फडकविण्यात आला.
सर्वोच्च न्यायालयाच्या निकालानंतर मागील आठ दिवसाच्या तणावपूर्ण वातावरणानंतर २० मार्चपासून मंदिर परिसरात शांततापूर्ण वातावरण असून आज गुढीपाडव्यानिमित्ताने दर्शनासाठी मंदिर परिसरात भाविकांची सकाळ पासून गर्दी दिसून येत आहे.
ML/KA/PGB
22 Mar. 2023
