देवेन भारती मुंबईचे विशेष पोलिस आयुक्त
मुंबई, दि. 4 (एमएमसी न्यूज नेटवर्क) : मुंबईच्या पोलीस आयुक्तांच्या सोबत एका नवीन पदाची निर्मिती करण्यात आली असून विशेष पोलीस आयुक्त म्हणून देवेन भारती यांची त्या नवीन पदावर नियुक्ती करण्यात आली आहे.
मुंबईचे पोलीस आयुक्त हे पद राज्याच्या पोलीस महासंचालकांच्या समकक्ष मानले जाते, विवेक फणसळकर हे या पदावर आहेत , मात्र आणखी एक विशेष आयुक्त नेमण्याची गरज असल्याचे मत या सरकारचे झाले होते , त्यासाठी वरिष्ठ पोलीस अधिकारी असणाऱ्या भारती यांच्या नावाचा विचार गेले अनेक दिवस सुरू होता , म्हणूनच त्यांना कोणतीही इतर नियुक्ती देण्यात आली नव्हती.
आज देवेन भारती यांच्या नियुक्तीचा आदेश जारी करण्यात आला असून त्यांचे नेमके अधिकार काय असतील , ते आयुक्तांना उत्तरदायी असतील का याबाबत मात्र अद्याप स्पष्ट झालेले नाही.
ML/KA/PGB
4 Jan 2022
