भारत पेट्रोलियम खरेदी करण्याच्या शर्यतीत वेदांत समूह
मुंबई, दि.14 (एमएमसी न्यूज नेटवर्क): वेदांत समूह (Vedanta Group) सरकारी मालकीची पेट्रोलियम कंपनी भारत पेट्रोलियम कॉर्पोरेशन लिमिटेड (BPCL) साठी 90 हजार कोटी रुपयांची बोली लावू शकतो. तथापि, ती फार आक्रमक किंमतीला व्यवहार करणार नाही.
वेदांताचे (Vedanta Group) अध्यक्ष अनिल अग्रवाल यांनी रियाधमधील ब्लूमबर्गला दिलेल्या मुलाखतीत ही माहिती दिली. त्यांनी सांगितले की त्यांना योग्य किमतीत कंपनी खरेदी करायची आहे. कंपनीचे समभाग सप्टेंबर 2021 मध्ये 503 रुपयांवर होते, जे आता 397 रुपयांवर आहे. त्याचे बाजार भांडवल 85,522 कोटी रुपये आहे. याच आधारावर वेदांत 90 हजार कोटी रुपयांच्या जवळपास बोली लावणार असल्याची चर्चा आहे.
भारत पेट्रोलियमची (BPCL) विक्री करण्यासाठी सरकार अनेक दिवसांपासून प्रयत्न करत आहे, मात्र अद्यापपर्यंत त्यात यश आलेले नाही. एवढी मोठी रक्कम सध्या गुंतवणे योग्य नाही, अशी गुंतवणूकदारांची भावना आहे. ही कंपनी सातत्याने नफा कमवणारी कंपनी आहे. सरकारची ही आतापर्यंतची सर्वात मोठी निर्गुंतवणूक असेल. सप्टेंबरमध्ये सरकारने यासाठी अंतिम तारीखही निश्चित केली होती. त्यातील संपूर्ण हिस्सेदारी विकण्याची त्याची योजना होती. बीपीसीएल मध्ये सरकारचा 52.98 टक्के हिस्सा आहे.
कंपनीमध्ये लोकांची भागीदारी 46.71 टक्के आहे. म्हणजेच या आधारावर वेदांतकडे (Vedanta Group) बहुमताची हिस्सेदारी असेल. बीपीसीएल (BPCL) ही देशातील दुसरी सर्वात मोठी तेल शुद्धीकरण कंपनी आहे. सरकार यासाठी मार्चमध्ये पुन्हा निविदा उघडू शकेल, अशी आशा अनिल अग्रवाल यांना आहे. वेदांता व्यतिरिक्त दोन खासगी इक्विटी कंपन्याही स्पर्धेत आहेत. अग्रवाल यांनी सांगितले की, ते लोकांशी चर्चा करुन हा व्यवहार समजून घेत आहोत. नोव्हेंबर 2020 मध्ये देखील वेदांताने स्वारस्यपत्र (EoI) सादर केले होते.
बीपीसीएलची विक्री झाल्यानंतर सरकार संपूर्ण व्यवस्थापन, खरेदी करणाऱ्या कंपनीकडे हस्तांतरित करेल. 2022 मध्येही अशीच बोली निमंत्रित करण्यात आली होती. त्यावेळी 7 मार्च ही शेवटची तारीख होती. त्यानंतर त्याची तारीख सतत वाढत गेली. आतापर्यंत चार वेळा तारीख वाढवण्यात आली आहे. बीपीसीएल चे देशभरात एकूण 15,177 पेट्रोल पंप आणि 6,011 एलपीजी वितरक एजन्सी आहेत. याशिवाय 51 बॉटलिंग प्रकल्प देखील आहेत.
Vedanta Group may bid Rs 90,000 crore for state-owned petroleum company Bharat Petroleum Corporation Limited (BPCL). However, she will not trade at a very aggressive price.
PL/KA/PL/14 JAN 2022
