NCERT पुस्तकांमध्ये AI आणि आयुर्वेदाचा समावेश
नवी दिल्ली, दि. ३१ : NCERT आता शालेय पाठ्यपुस्तकांमध्ये दोन मोठे बदल करणार आहे. कृत्रिम बुद्धिमत्ता (एआय) आणि संगणक तंत्रज्ञान (सीटी) हे तिसरीच्या अभ्यासक्रमात समाविष्ट केले जातील. सहावी ते आठवीच्या पाठ्यपुस्तकांमध्ये आयुर्वेदावरील धडे जोडली जातील.हे बदल २०२६-२७ या शैक्षणिक वर्षापासून अभ्यासक्रमात समाविष्ट केले जातील.
राष्ट्रीय शिक्षण धोरण २०२० अंतर्गत मुलांना भविष्यासाठी तयार करण्यासाठी इयत्ता तिसरीच्या अभ्यासक्रमात AI आणि CT चा समावेश केला जाईल. हे उद्दिष्ट साध्य करण्यासाठी सीबीएसई, एनसीईआरटी, केंद्रीय विद्यालय संघटना आणि नवोदय विद्यालय समिती राज्ये आणि केंद्रशासित प्रदेशांसोबत जवळून काम करत आहेत.
सीबीएसई बोर्डाने आयआयटी मद्रासचे प्राध्यापक कार्तिक रमन यांच्या अध्यक्षतेखाली AI आणि सीटीसाठी अभ्यासक्रम विकसित करण्यासाठी एक विशेष समिती स्थापन केली आहे.
NEP २०२० अंतर्गत, NCERT ने इयत्ता ६ वी ते ८ वी च्या विज्ञान पाठ्यपुस्तकांमध्ये आयुर्वेदावरील प्रकरणे समाविष्ट केली आहेत. हे विद्यार्थ्यांना भारतीय दृष्टिकोनातून आरोग्य, पोषण आणि पर्यावरणीय संतुलनाबद्दल शिकवेल.
एनसीईआरटीचे संचालक दिनेश प्रसाद सकलानी म्हणाले की, विद्यार्थ्यांना वैज्ञानिक ज्ञान देणे तसेच त्यांना शारीरिक आणि मानसिक आरोग्याबद्दल शिक्षित करणे हे त्यांचे उद्दिष्ट आहे.
आयुर्वेदाची मूलभूत तत्त्वे सहावीच्या पाठ्यपुस्तकांमध्ये समाविष्ट केली जातील, जी आयुर्वेदाच्या २० गुणधर्मांबद्दल शिकवतील. त्यात उष्ण-थंड, हलके-जड अशा संकल्पना देखील स्पष्ट केल्या जातील.आठवीच्या पाठ्यपुस्तकात दैनंदिन दिनचर्या आणि ऋतूनुसार शिस्त यावर एक प्रकरण असेल. या प्रकरणाचे शीर्षक “आयुर्वेद – शरीर, मन आणि पर्यावरणाचे संतुलन” आहे.
SL/ML/SL
