शेतकऱ्यांना दुहेरी फायदा देणारे तंत्रज्ञान
मुंबई, दि. 4 (एमएमसी न्यूज नेटवर्क) : कृषी विद्यापीठे आणि कृषी विज्ञान नवीन तंत्रज्ञानाच्या वापराद्वारे अन्नधान्य उत्पादनात वाढ करून शेतकऱ्यांना लाभ देण्यासाठी नाविन्यपूर्ण संशोधन करतात. या प्रगतीबाबत शेतकऱ्यांना माहिती देण्यासाठी बारामती येथे कृषी प्रदर्शन भरवण्यात आले आहे. राज्यभरातील शेतकरी या प्रदर्शनात जमले असून, या प्रदर्शनात बटाट्याच्या रोपासह टोमॅटोचे रोप लावण्यात आले आहे. बारामती कृषी विज्ञान केंद्राने आधुनिक शेती तंत्राचा वापर करून टोमॅटोचे पीक यशस्वीपणे विकसित केले आहे, ज्यामुळे शेतकऱ्यांना दुहेरी फायदे मिळतात कारण ते आता एकाच वेळी बटाटे आणि टोमॅटो दोन्ही पिकवू शकतात.
शारदानगरच्या कृषी विज्ञान केंद्राच्या कृषी प्रदर्शनाचा आर्टिफिशियल इंटेलिजन्स ही संकल्पना राबवण्यात आली आहे. देशात पहिल्यांदाच नवीन संकल्पना राबवण्यात आली आहे. “पोमॅटो” ही नवीन संकल्पना कृषी विज्ञान केंद्रात राबवून यशस्वी पीक घेण्यात आले आहे. “पोमॅटो” म्हणजे पोट्याटो आणि टोमॅटो एकत्र आणणे आहे. टोमॅटोच्या झाडाला कलम करून बटाट्याचे पीक घेण्यात आले आहे. या माध्यमातून शेतकऱ्यांना दुहेरी फायदा होणार आहे. शेतकऱ्याच्या उत्पन्नात वाढ होणार आहे. या पिकाचे प्रात्यक्षिक शेतकऱ्यांना या कृषी प्रदर्शनाच्या माध्यमातून पाहता येत आहे.
टोमॅटोच्या झाडाला वरती टोमॅटो आणि खाली बटाटे, असा प्रयोग हा झाला आहे. यामुळे एकाच ठिकाणी दोन पिकांचे उत्पन्न शेतकऱ्यांना घेता येणार आहे. यामुळे शेतकऱ्यांची आर्थिक परिस्थिती सुधारणार आहे. बारामतीमधील कृषी प्रदर्शनात शेतकऱ्यांना हा प्रयोग पाहण्यासाठी गर्दी केली होती.
A technology that gives double benefit to farmers
ML/ML/PGB
4 Jun 2024
