भायखळा विभागातील पाणीपुरवठा सुरळीत करा आमदार मनोज जामसुतकर

मुंबई, दि २४
शिवसेना (उद्धव बाळासाहेब ठाकरे) आमदार मनोज जामसुतकर यांच्या प्रमुख उपस्थितीत मुख्य अभियंता (जलकामे), मुंबई महानगरपालिका यांच्या वरळी येथील हब इमारतीत भायखळा विभागातील नागरिकांच्या पाण्यासंदर्भातील समस्यांवर बैठक आयोजित करण्यात आली होती.
या बैठकीत मतदार संघातील नागरिकांनी आपल्या अडचणी आमदार मनोज जामसुतकर आणि मनपा अधिकाऱ्यांसमोर मांडल्या. भायखळा विभागात अनेक ठिकाणी अपुरा पाणीपुरवठा होत आहे याबाबत सविस्तर चर्चा होऊन योग्य ती कार्यवाही करण्याचे निर्देश जामसुतकर यांनी महापालिका जलकामे प्रशासनाला दिले.
यावर अधिकाऱ्यांनी ताबडतोब कारवाई करून पाणीपुरवठा कसा वाढवता येईल याबाबत कार्यवाही करण्यात येईल असे आश्वासन शिष्टमंडळाला दिले.
या प्रसंगी शिवसेना विधानसभा समन्वयक बबन गावकर, माजी नगरसेवक रमाकांत रहाटे,शाखाप्रमुख काका चव्हाण, निंगप्पा चलवादी, सलीम शेख, महिला शाखा समन्वयक शिल्पा म्हात्रे तसेच स्थानिक नागरिक आणि मनपा अधिकारी, कर्मचारी उपस्थित होते.KK/ML/MS