देवनार कत्तलखाना अव्यवस्था व भ्रष्टाचाराचे आगार..
मुंबई, दि 2
देवनार कत्तलखान्यात सुरू असलेल्या भ्रष्टाचार आणि गैरव्यवस्थेबाबत नागरिकांकडून बऱ्याच तक्रारी येत असल्याने खासदार वर्षा गायकवाड यांनी आमदार अमिन पटेल, आमदार डॉ. ज्योती गायकवाड यांच्यासह भेट देऊन परिस्थितीची पाहणी केली व अधिकाऱ्यांशी चर्चा केली. कत्तलखान्यात सर्वत्र अस्वच्छता पसरलेली आहे. कसलेही नियोजन नाही, मनुष्यबळ अपुरे आहे. दरवर्षी तात्पुरते शेड उभे केले जाते त्यासाठी दरवर्षी एकाच व्यक्तीला टेंडर दिले जाते त्याऐवजी कायमस्वरुपी शेड उभारले पाहिजे. स्वच्छतेची योग्य व्यवस्था असावी, व्यापारी आणि ट्रान्सपोर्टरसाठी पुरेशी पार्किंग आणि इतर सोयी- सुविधा उपलब्ध करून दिल्या जाव्यात असे खासदार वर्षा गायकवाड म्हणाल्या.
