प्रत्यक्ष कर संकलनात १९ टक्क्यांनी वाढ

नवी दिल्ली, दि. १२ (एमएमसी न्यूज नेटवर्क) : चालू आर्थिक वर्षात आतापर्यंत केंद्र सरकारला कराच्या माध्यमातून चांगले महसूल संकलन होत आहे. सरकारचे प्रत्यक्ष कर संकलन 19.41 टक्क्यांच्या वाढीसह 14.70 लाख कोटी रुपये झाले आहे. आयकर विभागाने सांगितले की, संपूर्ण वर्षासाठी हे उद्दिष्ट 81 टक्के आहे. सरकारने चालू आर्थिक वर्षात प्रत्यक्ष कर (वैयक्तिक आयकर आणि कॉर्पोरेट कर) साठी 18.23 लाख कोटी रुपयांचे उद्दिष्ट ठेवले आहे, जे गेल्या आर्थिक वर्षाच्या संकलनापेक्षा 9.75 टक्के अधिक आहे. गेल्या आर्थिक वर्षात प्रत्यक्ष कर संकलन 16.61 लाख कोटी रुपये होते.

केंद्रीय प्रत्यक्ष कर मंडळाने (CBDT) जारी केलेल्या निवेदनात म्हटले आहे की, चालू आर्थिक वर्षात प्रत्यक्ष कर संकलन 14.70 लाख कोटी रुपये होते, जे मागील वर्षीच्या याच कालावधीपेक्षा 19.41 टक्के अधिक आहे. हे संकलन आर्थिक वर्ष 2023-24 च्या एकूण अंदाजपत्रकाच्या 80.61 टक्के आहे. 1 एप्रिल 2023 ते 10 जानेवारी 2024 पर्यंत एकूण 2.48 लाख कोटी रुपयांचा परतावा जारी करण्यात आला.

चालू आर्थिक वर्षात 10 जानेवारी 2024 पर्यंत सकल प्रत्यक्ष कर संकलनातही वाढीचा कल कायम आहे. संबंधित कालावधीत एकूण संकलन 17.18 लाख कोटी रुपये होते, जे मागील वर्षी याच कालावधीतील एकूण प्रत्यक्ष कर संकलनापेक्षा 16.77 टक्के अधिक आहे. ग्रॉस कॉर्पोरेट आयकर (CIT) आणि वैयक्तिक आयकर (PIT) मधील वाढीचा दर अनुक्रमे 8.32 टक्के आणि 26.11 टक्के आहे. परताव्याच्या समायोजनानंतर सीआयटी संकलनातील निव्वळ वाढ 12.37 टक्के आहे, तर पीआयटी संकलनासाठी हा आकडा 27.26 टक्के आहे.

अप्रत्यक्ष कर हे असे कर असतात की जे दुसऱ्या व्यक्तीवर संक्रमित करता येतात. त्यांना भार एका व्यक्तीवर तर ते भरण्याची जबाबदारी दुसऱ्या व्यक्तीवर असते. उत्पादक वस्तूवर लावलेला कर सरकारकडे भरतो; परंतु तो ग्राहकांकडून वसूल करतो. ग्राहकाला हे कर सरकारकडे भरावे लागत नाहीत. त्यामुळे आपण हे कर भरतो, याची जाणीव ग्राहकाला नसते.

SL/KA/SL

12 Dec. 2024