चिकनगुनिया विषाणूवरील पहिल्या लसीला मंजूरी

न्यूयॉर्क, दि. १० (एमएमसी न्यूज नेटवर्क) :

अमेरिकेच्या आरोग्य अधिकाऱ्यांनी चिकुनगुनिया विषाणूवरील (Chikungunya virus) जगातील पहिल्या लसीला मंजुरी दिली. संक्रमित डासांमुळे पसरणाऱ्या या विषाणूला अमेरिकेच्या अन्न आणि औषध प्रशासनाने (FDA) “उभरते जागतिक आरोग्य संकट” म्हटले आहे. एएफपीच्या वृत्तानुसार चिकनगुनियावरील ही लस युरोपच्या व्हॅल्नेव्हाने विकसित केली असून ती इक्स्चिक (Ixchiq) नावाने विकली जाणार आहे.

संक्रमित डासांमुळे पसरणाऱ्या या विषाणूला अमेरिकेच्या अन्न आणि औषध प्रशासनाने (FDA) “उभरते जागतिक आरोग्य संकट” म्हटले आहे. एएफपीच्या वृत्तानुसार चिकनगुनियावरील ही लस युरोपच्या व्हॅल्नेव्हाने विकसित केली असून ती इक्स्चिक (Ixchiq) नावाने विकली जाणार आहे. यामुळे चिकणगुणियासारख्या धोकादायक आजारांपासून लोकांना संरक्षण मिळणार आहे.

USFDA ने दिलेल्या माहितीनुसार, चिकनगुनियावरील Ixchiq ही लस 18 वर्षे आणि त्याहून अधिक वयाच्या अशा लोकांसाठी मंजूर करण्यात आली आहे, ज्यांना संसर्गाचा धोका अधिक आहे. यूएस ड्रग रेग्युलेटरने Ixchiq ला हिरवा कंदील दाखवल्यामुळे आता अशा देशांमध्ये या लसीच्या रोलआउटला गती मिळू शकेल, जिथे या विषाणूचा सर्वाधिक प्रसार होत आहे.

चिकनगुनिया आजार हा डासांद्वारे पसरणाऱ्या चिकनगुनिया विषाणूमुळे होतो आणि त्यामुळे ताप आणि सांधेदुखी होते. या काळात रुग्णांना डोकेदुखी, स्नायू दुखणे, सांध्यांना सूज येणे किंवा पुरळ येणे असा त्रास होऊ शकतो. हा आझार आफ्रिका, आग्नेय आशिया आणि अमेरिकेच्या काही भागांमध्ये उष्णकटिबंधीय आणि उपोष्णकटिबंधीय प्रदेशांमध्ये सर्वात पसरलेला आहे. तसेच जगभरात अनेक ठिकाणी या आजाराने थैमान घातले आहे.

SL/KA/SL

10 Nov. 2023