स्व. भगवानराव लोमटे पुरस्कार प्रा. भास्कर चंदनशिव यांना जाहीर

बीड, दि. १३ (एमएमसी न्यूज नेटवर्क) : यशवंतराव चव्हाण स्मृती समितीचा स्व. भगवानरावजी लोमटे स्मृती राज्य पुरस्कार यावर्षी ज्येष्ठ साहित्यिक आणि ग्रामीण कथा, कादंबरीकार तसेच शेतकऱ्यांच्या प्रश्नावर सतत लिखाण करणारे प्रा. भास्कर चंदनशिव, कळंब यांना घोषित करण्यात आला आहे, अशी माहिती समितीचे सचिव दगडू लोमटे यांनी दिली आहे.

यशवंतराव चव्हाण स्मृती समितीच्या वतीने दरवर्षी आंबेजोगाई येथील राजकारणी, समाजकारण, साहित्य, संस्कृती, सहकार, शिक्षण आदी क्षेत्रात उतुंग कार्य केलेले स्व. भगवानरावजी लोमटे यांच्या स्मृतीप्रित्यर्थ दरवर्षी साहित्य, संगीत, पत्रकारिता, सुसंस्कृत राजकारणी, क्रीडा, सिनेमा – नाट्य, शिक्षण आदी क्षेत्रात उल्लेखनीय कार्य केलेल्या एका मान्यवरास हा पुरस्कार दिला जातो. यावर्षी हा अकरावा पुरस्कार प्रा. चंदनशिव यांना दिला जाणार आहे.

ML/KA/SL

13 Sept. 2023