समृद्धी महामार्गावर अपघातात चार ठार,

नाशिक, दि. 12 (एमएमसी न्यूज नेटवर्क):  हिंदुहृदयसम्राट बाळासाहेब ठाकरे महाराष्ट्र समृद्धी महामार्गावर सिन्नर तालुक्यात मध्यरात्री इनोव्हा कारच्या भीषण अपघातात चार जण ठार झाले तर चार जण जखमी झाल्याची घटना घडली.

शिर्डी ते भरवीर हा सुमारे ८० किलोमीटर मार्गाचा दुसरा टप्पा सुरू नुकताच सुरू झाला असून गेल्या आठवड्यात याच महामार्गावर अपघातात तीन जण ठार झाले होते. आता मध्यरात्री झालेल्या अपघातात चार जणांचा मृत्यू झाला आहे.
इनोव्हा कार मधील प्रवासी नातेवाईकांना हज यात्रेसाठी मुंबई येथे सोडून शिर्डी कडे परत जात असताना सिन्नर तालुक्यातील खापराळे शिवारात चालकाचे नियंत्रण सुटल्याने कार महामार्गाच्या मध्यभागी असलेल्या संरक्षण भिंतीवर आदळल्याने अपघात झाला.Four killed in an accident on Samriddhi Highway

या अपघातात रज्जाक अहमद शेख, (५५), सत्तार शेख लाल शेख, (६५), सुलताना सत्तार शेख, (५०) यांचा जागीच मृत्यू झाला. तर फैयाज दगुभाई शेख (४०) यांचा उपचार सुरु असताना मृत्यू झाला. जुबेर रज्जाक शेख, (३५), मैरूनिसा रज्जाक शेख (४५), अझर बालन शेख, (२५) मुस्कान अजर शेख (२२), हे गंभीर जखमी झाले असून सिन्नर येथे प्राथमिक उचारानंतर जखमींना तातडीने शिर्डी येथे पुढील उपचारांसाठी हलविण्यात आले.

ML/KA/PGB
12 Jun 2023