क्रिकेटपटू ऋषभ पंतच्या गाडीचा भीषण अपघात
नवी दिल्ली, दि. 30 (एमएमसी न्यूज नेटवर्क) : भारताचा विकेटकीपर आणि फलंदाज ऋषभ पंतच्या गाडीला भीषण अपघात झाला. आज सकाळी ऋषभ स्वतः गाडी चालवत दिल्लीहून रुरकीला घरी परतत असताना अपघात झाला आहे. रुडकी येथील नारसन बॉर्डरवर हम्मदपूर झाल जवळ त्यांची गाडी रेलिंगला धडकली. या अपघातात पंतला गंभीर दुखापत झाली आहे. त्याच्या डोक्याला, पाठीला आणि पायाला दुखापत झाली आहे. तर अपघातादरम्यान कारला आग लागली. त्याला तातडीने देहरादून रुग्णालयात दाखल करण्यात आलं आहे.
या भीषण अपघातीच माहिती मिळताच घटनास्थळी पोलीस दाखल झाले .डॉक्टरांनी दिलेल्या माहितीनुसार ऋषभ पंतच्या डोक्याला आणि पायाला गंभीर दुखापत झाली आहे. सध्या त्याची प्रकृती स्थिर असून, त्याच्यावर प्लास्टिक सर्जरी केली जाणार आहे.
अपघातस्थळी असलेल्या प्रत्यक्षदर्शींनी सांगितल्यानुसार, ऋषभची कार रेलिंगला धडकली, त्यानंतर कारने पेट घेतला. मोठ्या प्रयत्नानंतर कारची आग विझवण्यात यश आलं.
30 Dec. 2022
