मुंबईतील पहिला अंडरग्राऊंड महामार्ग
मुंबई, दि. 9. : मुंबईतील इस्टर्न फ्री वे वरुन नरिमन पॉइंटकडे जाण्यासाठी सध्या मोठ्या प्रमाणात वाहतूक कोंडीचा सामना करावा लागतो.ही वाहतूक कोंडी कमी करण्यासाठी आता ऑरेंज गेट ते मरीन ड्राईव्ह दरम्यान भुयारी मार्ग तयार करण्यात येत आहे. 250 मीटर भूमिगत बोगदा खोदकाम यशस्वीरित्या पूर्ण झाला आहे. मुंबईतील हा पहिला अंडरग्राऊंड महामार्ग आहे. यामुळे 40 मिनिटांचा प्रवास फक्त 5 मिनिटांत होणार आहे.
ऑरेंज गेट भूमिगत टनेल प्रकल्पांतर्गत दाट लोकवस्तीच्या नागरी भागाखाली विकसित करण्यात येणाऱ्या उच्च-क्षमता भूमिगत वाहतूक प्रणालीद्वारे मुंबईतील महत्त्वाच्या भागांना जोडणाऱ्या मोठ्या भूमिगत रस्ता मार्गिकेचे डिझाइन आणि बांधकाम समाविष्ट आहे.
या प्रकल्पात मुंबईच्या किनारी भूभागात सामान्यतः आढळणाऱ्या किनारी आणि मिश्र भौगोलिक परिस्थितींमध्ये खोल नागरी बोगदा खोदकामासाठी विशेषतः विकसित उच्च-क्षमता स्लरी शिल्ड टनेल बोरिंग मशीनचा वापर करण्यात येत आहे.
