भारतीय हॉकी संघ आशिया कपाच्या अंतिम फेरीत
भारतीय पुरुष हॉकी संघाने आशिया कप 2025 मध्ये जबरदस्त कामगिरी करत अंतिम फेरीत प्रवेश केला आहे. बिहारमधील राजगीर हॉकी स्टेडियमवर झालेल्या सुपर-४ सामन्यात भारताने चीनचा ७-० असा पराभव करत आपली ताकद सिद्ध केली.
या सामन्यात भारताने सुरुवातीपासूनच आक्रमक खेळ केला. शिलानंद लाक्रा (४’) ने पहिल्या गोलने सुरुवात केली, त्यानंतर दिलप्रीत सिंग (७’), मंदीप सिंग (१८’), राजकुमार पाल (३७’), सुखजीत सिंग (३९’) आणि अभिषेक (४६’, ५०’) यांनी गोल करत चीनला कोणताही संधी दिली नाही.
या विजयामुळे भारताने सुपर-४ टप्प्यात अव्वल स्थान पटकावले आणि अंतिम फेरीत प्रवेश केला. आता भारताचा सामना दिग्गज दक्षिण कोरियाशी होणार आहे, ज्यांनी मलेशियाला ४-३ ने पराभूत करत अंतिम फेरीत स्थान मिळवले.
भारतीय संघाचे नेतृत्व हरमनप्रीत सिंग करत असून, त्यांच्या नेतृत्वाखाली संघाने उत्कृष्ट समन्वय, आक्रमण आणि बचाव यांचा सुरेख मिलाफ साधला आहे. प्रशिक्षक क्रेग फुल्टन यांनी चीनविरुद्धच्या सामन्यात एरियल बॉल्सचा वापर करून त्यांच्या बचावफळीला छेद देण्याची रणनीती आखली होती, जी अत्यंत यशस्वी ठरली.
आता संपूर्ण देशाचे लक्ष रविवार, ७ सप्टेंबर रोजी होणाऱ्या अंतिम सामन्याकडे लागले आहे. भारताला आशिया कप विजेतेपद मिळवण्यासाठी दक्षिण कोरियाचा अडथळा पार करावा लागणार आहे. हा सामना संध्याकाळी ७.३० वाजता सुरू होणार असून, Sony Sports Network आणि SonyLiv वर थेट प्रक्षेपण पाहता येईल
