सरकारी कर्मचारी मारहाण प्रकरणी भाजपा आमदार दोषी
मुंबई, दि. 30 (एमएमसी न्यूज नेटवर्क): मुंबईतील एका न्यायालयाने आज सायन कोळीवाड्यातील भाजप आमदार कॅप्टन तमिळ सेलव्हनसह अन्य चार आरोपींना ड्युटीवर असताना बीएमसी अधिकार्‍यांना मारहाण आणि त्यांना धमकावल्या प्रकरणी दोषी ठरवले आहे.
विशेष न्यायाधीश आर.एन.रोकडे यांनी त्यांना आयपीसी कलम
३३२,३५३,१४७,१४५,१४९ आणि ३४१ अंतर्गत दोषी ठरवले , यासाठी प्रत्येक दोषीला १३ हजार ५०० रुपयांचा दंडही ठोठावला आहे. दोषींना उच्च न्यायालयात अपील करता यावे यासाठी न्यायालयाने एका महिन्यापर्यंत आपल्या आदेशाला स्थगिती दिली आहे.
दरम्यान, दंड भरल्यानंतर त्यांना न्यायालयाची खोली सोडण्याची परवानगी देण्यात आली आहे. हे प्रकरण 2017 मध्ये मुंबई पालिका कर्मचार्‍यांनी सायन कोळीवाडा भागातील पंजाबी कॉलनीची महापालिका निवडणुकीपूर्वी तपासणी करून काही बेकायदेशीर विद्युत कनेक्शन आणि पाणीपुरवठा कनेक्शन तोडण्याचा निर्णय घेतला होता तेव्हाचे आहे. पलिकेच्या अधिकार्‍यांनी त्यांच्या कामात पोलिसांच्या मदतीची विनंती केली आणि त्यांच्या मदतीसाठी अधिकार्‍यांची एक छोटी तुकडी पाठवण्यात आली.
मात्र, जेव्हा टीम पंजाबी कॉलनीत पोहोचली तेव्हा त्यांना त्यांचे काम करण्यापासून रोखण्यात आले तसेच त्यांना मारहाण करण्यात आली. आरोपींनी बीएमसीच्या निर्णयाच्या निषेधार्थ सुमारे 1000- 1200 लोकांच्या जमावाचे नेतृत्व केले. पोलिसांनी बंदोबस्त मागवल्यानंतरच जमावाला नियंत्रणात आणता आले होते. With Capt. Tamil Selvan
ML/KA/PGB
30 Oct 2023
