विजय भोयर ठरला ‘ विदर्भ श्री ‘

वाशिम, दि. 20 (एमएमसी न्यूज नेटवर्क) : वाशीम येथे भव्य विदर्भस्तरीय शरीरसौष्ठव स्पर्धा उत्साहात संपन्न झाली, अमरावतीच्या विजय भोयरने यात ‘विदर्भ श्री’ चा सन्मान पटकावला.

बॉडी बिल्डर्स अ‍ॅन्ड फिटनेस असोसिएशन विदर्भ, वाशीम जिल्हा बॉडी बिल्डींग असोसिएशनच्या वतीने आणि दिवंगत मन्नासिंह ठाकूर बहूउद्देशिय संस्थेच्या आयोजनातून वाशीमच्या स्थानिक जिल्हा क्रीडा संकुलामध्ये पार पडलेल्या विदर्भस्तरीय बॉडी बिल्डींग स्पर्धेत अमरावतीच्या विजय भोयर यांनी ‘विदर्भ श्री’ च्या सन्मानासह २५ हजाराचे बक्षीस पटकावले तर अकोल्याच्या उमेश भाकरे यांनी ‘बेस्ट पोझर’च्या सन्मानासह ११ हजाराचे बक्षीस पटकावले असून या स्पर्धेमध्ये विदर्भातील नामवंत शरीरसौष्ठव स्पर्धकांनी सहभाग घेतला होता.

ML/KA/SL
29 Feb. 2024