मालाड पूर्व येथील विजय साळसकर उद्यान लवकरच नागरिकांसाठी खुले होणार

​मुंबई, दि. २१: मुंबई महानगरपालिकेकडून सातत्याने पाठपुरावा केल्यामुळे मालाड पूर्व येथील रहेजा कॉम्प्लेक्सजवळील स्वर्गीय विजय साळसकर उद्यानाचे नूतनीकरण होत आहे. या उद्यानाला लवकरच नवीन झळाळी मिळणार असून, कामाच्या पाहणीसाठी शिवसेनेचे आमदार व विभागप्रमुख सुनील प्रभू यांनी बुधवारी उपस्थिती दर्शविली. यावेळी त्यांनी हे उद्यान लवकरात लवकर नागरिकांसाठी उपलब्ध होईल, असे सांगितले.
​दिंडोशी विभागातील वॉर्ड क्रमांक ३६, मालाड पूर्व, रहेजा कॉम्प्लेक्स येथील नागरिकांसाठी असलेल्या स्वर्गीय विजय साळसकर उद्यानाची अवस्था फारशी चांगली नव्हती. मॉर्निंग वॉकसाठी जागा आणि लहान मुलांसाठी खेळण्याची व्यवस्था नसल्याने स्थानिकांना अडचणी येत होत्या. ही बाब लक्षात घेऊन आमदार तथा विभागप्रमुख सुनील प्रभू यांनी उद्यानाच्या नूतनीकरणासाठी मुंबई महानगरपालिकेच्या अर्थसंकल्पात निधी उपलब्ध व्हावा यासाठी सातत्याने पाठपुरावा केला.
​विजय साळसकर उद्यानाच्या नूतनीकरणाच्या कामाची पाहणी करण्यासाठी शिवसेना आमदार व विभागप्रमुख सुनील प्रभू यांनी बुधवारी भेट दिली. यावेळी त्यांनी बीएमसी उद्यान विभागाचे अधिकारी अमोल हितापे व ज्योती तुडस यांच्याशी संवाद साधून उद्यानाची पाहणी केली आणि काही महत्त्वाच्या सूचनाही केल्या.
​६५०० चौ. मीटर जागेवर सुविधांची रेलचेल
​स्वर्गीय विजय साळसकर उद्यानाची जागा ६ हजार ५०० चौरस मीटर एवढी आहे. या नूतनीकरणानंतर उद्यानात अनेक आधुनिक सुविधा उपलब्ध होणार आहेत:
​लहान मुलांसाठी रॉक क्लाइम्बिंग हा गेम.
​व्यायामाचे साहित्य.
​लोकांना चालण्यासाठी पथ वे (वॉकिंग ट्रॅक).
​ज्येष्ठ नागरिकांसाठी आसन व्यवस्था.
​व्ह्यूईंग गॅलरी.
​उद्यानात हिरवेगार गवत लावले जाणार आहे.
​उद्यानाच्या भिंतींना आकर्षक रंगरंगोटी करण्यात येणार आहे.
​या पाहणी दौऱ्यादरम्यान शिवसेना आमदार व विभागप्रमुख सुनील प्रभू यांच्या समवेत शिवसेना महिला विधानसभा संघटक रीनाताई सुर्वे,वॉर्ड क्रमांक ३६ चे उपविभागप्रमुख व माजी नगरसेवक सुनील गुजर, महिला उपविभाग प्रमुख रुचिता आरोसकर,उपविभाग समन्वयक कृष्णा सुर्वे,शाखाप्रमुख अशोक राणे,उपशाखाप्रमुख अल्पेश चव्हाण बाळा शिरोडकर, वामन तिरोडकर, सुरेश करपे, सुशांत पांचाळ, सुशांत पारकर,अतुल पाखरे,यांच्यासह अनेक पदाधिकारी व कार्यकर्ते उपस्थित होते.KK/ML/MS