हा राष्ट्रीय पुरस्कार विजेता मराठी चित्रपट आता OTT वर

नवी दिल्ली,दि. १ (एमएमसी न्यूज नेटवर्क): राष्ट्रीय पुरस्कारांसह अनेक राष्ट्रीय आणि आंतरराष्ट्रीय चित्रपट महोत्सव गाजवलेला चित्रपट म्हणजे ‘गोदावरी’.निखिल महाजन दिग्दर्शित आणि अभिनेता जितेंद्र जोशी यांची प्रमुख भूमिका असलेला ‘गोदावरी’ हा चित्रपट जिओ सिनेमा या ओटीटी प्लॅटफॉर्मवर प्रदर्शित होणार आहे. येत्या 3 जून रोजी डिजिटल प्रीमियरद्वारे हा चित्रपट आपल्या भेटीला येतोय. विशेष म्हणजे हा चित्रपट आपल्यालं विनामूल्य पाहता येणार आहे.

या चित्रपटाचे समीक्षकांनी ही कौतुक केले. नदीच्या प्रवाहासोबत माणसाच्या जीवनाचा प्रवास सांगणारा असा हा अत्यंत वेगळ्या धाटणीचा चित्रपट प्रेक्षकांनी अक्षरशः डोक्यावर घेतला.या चित्रपटाने बॉक्स ऑफिसवरही जोरदार कमाई केली. परंतु अनेकांनी हा चित्रपट पाहिला नसेल किंवा अनेकांना पुन्हा पाहायचा असेल. अशांसाठी हा चित्रपट OTT वर येणार ही एक आनंदाची बातमी आहे. प्रेक्षकांसाठी ही मोठी पर्वणी ठरणार आहे.

जीतेंद्र जोशी सह अभिनेत्री नीना कुलकर्णी, विक्रम गोखले, गौरी नलावडे, प्रियदर्शन जाधव आणि संजय मोने यांच्या प्रमुख भूमिका असलेल्या या चित्रपटाची कथा नाशिकमधील गोदावरी नदीच्या काठी राहणाऱ्या एका कुटुंबाभोवती फिरते.

SL/KA/SL

1 June 2023